ശ്യാമപ്രസാദിന്റെ പുതിയചിത്രം 'ഇംഗ്ലീഷ്'
posted on:12 Sep 2012
ശ്യാമപ്രസാദ് സംവിധാനം ചെയ്യുന്ന പുതിയ ചിത്രം 'ഇംഗ്ലീഷ്' ഒക്ടോബറില് ചിത്രീകരണമാരംഭിക്കും. പൂര്ണമായും ലണ്ടനില് ചിത്രീകരിക്കുന്ന 'ഇംഗ്ലീഷ്' ലണ്ടനില് താമസമാക്കിയ മലയാളികളുടെ ജിവിതകഥയാണ്. നാടിനെക്കുറിച്ചുള്ള അവരുടെ ഗൃഹാതുരത്വവും പ്രവാസി ജീവിതത്തിലെ അരക്ഷിതാവസ്ഥയും പ്രണയവും വിരഹവും മാതൃത്വവും വ്യക്തിബന്ധങ്ങളും തുടങ്ങി ജീവിതത്തിന്റെ വിവിധതലങ്ങള് ഒരു കലൈഡ്സ്കോപ്പിലെന്നപോലെ 'ഇംഗ്ലീഷില്' വിഷയമാവുന്നു. പ്രധാനമായും നാലു കഥാപാത്രങ്ങളിലൂടെയാണ് ചിത്രത്തിന്റെ കഥാഗതി നിയന്ത്രിക്കപ്പെടുന്നത്. യുവനടന്മാരില് ശ്രദ്ധേയനായ ജയസൂര്യ ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നു. നിവിന്പോളി, മുകേഷ്, നദിയാമൊയ്തു, രമ്യാനമ്പീശന്, സോനാനായര്, മുരളിമേനോന് എന്നിവരാണ് ചിത്രത്തിലെ മറ്റു പ്രധാന താരങ്ങള്. നവരംഗ് ക്രിയേഷന്സിന്റെ ബാനറില് ബിനുദേവ് നിര്മിക്കുന്ന 'ഇംഗ്ലീഷി'ന്റെ രചന നിര്വഹിച്ചിരിക്കുന്നത് അജയന് വേണുഗോപാല് ആണ്. ക്യാമറ ഉദയന് അമ്പാടി.
mathrubhumi.com
Quick links
© Copyright 2013 Mathrubhumi. All rights reserved.