മുംബൈ അന്താരാഷ്ട്ര ചലച്ചിത്രമേളയ്ക്ക് ഇന്ന് തുടക്കം
posted on:18 Oct 2012
മുംബൈ: മുംബൈ അക്കാദമി ഓഫ് മൂവിങ് ഇമേജസിന്റെ മുംബൈ അന്താരാഷ്ട്ര ചലച്ചിത്ര മേളയ്ക്ക് വ്യാഴാഴ്ച തിരിതെളിയും. നാഷണല് സെന്റര് ഫോര് പെര്ഫോമിങ് ആര്ട്സിലെ ജാംഷെഡ് ബാബ തിയേറ്ററില് നടക്കുന്ന മേളയുടെ ഉദ്ഘാടനം ബോളിവുഡ് താരം ശ്രീദേവി നിര്വഹിക്കും. റിലയന്സ് എന്റര്ടെയ്ന്മെന്റും അമേരിക്കന് എക്സ്പ്രസ്സുമാണ് മേളയുടെ പ്രായോജകര്. ഉദ്ഘാടന ചിത്രമായി ഡേവിഡ് ഓ റെസലിന്റെ ലൈനിങ് പ്ലേബുക്ക് പ്രദര്ശിപ്പിക്കും. എന്.സി.പി.എ, ഐനോക്സ്, ലിബര്ട്ടി സിനിമ ഉള്പ്പെടെ അഞ്ചിലധികം തിയേറ്ററുകളില് മേളയുടെ പ്രദര്ശനം നടക്കും. മലയാളത്തില് നിന്ന് ഇത്തവണ ഒറ്റ ചിത്രവും മേളയിലെത്തിയിട്ടില്ല. ഒക്ടോബര് 25ന് മേള സമാപിക്കും. സ്പെയിന് ചിത്രമായ ബ്ലെന്കാനീവ്സ് ആണ് സമാപന ചിത്രം. ഇരുന്നൂറ്റി മുപ്പതോളം ചിത്രങ്ങള് മേളയില് പ്രദര്ശിപ്പിക്കുന്നുണ്ട്.
mathrubhumi.com
Quick links
© Copyright 2013 Mathrubhumi. All rights reserved.