ഷാരൂഖും സല്മാനും നാല്പതുകളിലും സുന്ദരന്മാര്
പി.എസ്.കൃഷ്ണകുമാര്
posted on:
20 Aug 2012
ഷാരൂഖ്ഖാനും സല്മാന്ഖാനും ഒരേ പ്രായക്കാരാണെങ്കിലും താരമൂല്യത്തില് ഒന്നാമന്
ആരാണ് എന്നതു സംബന്ധിച്ച തര്ക്കം ആരാധകര്ക്കിടയില് അവസാനിക്കുന്നില്ല
നാല്പതുകളിലും കത്തിനില്ക്കുന്ന പുരുഷസൗന്ദര്യത്തിന്റെ കീര്ത്തിമത്ഭാവങ്ങള് ആരൊക്കെ എന്ന് രേഖപ്പെടുത്താന് ബോളിവുഡ് ആസ്വാദകര്ക്ക് അധികം ആലോചിക്കേണ്ടിവന്നില്ല. 'പ്രൊഫഷണല് രംഗത്തെ ശത്രുക്കള്' എന്ന് മാധ്യമങ്ങള് വിശേഷിപ്പിക്കുന്ന ഷാരൂഖ്ഖാനും സല്മാന്ഖാനുമാണ് അവര് തിരഞ്ഞെടുത്ത ഈ സുന്ദരന്മാര്. ഒരു സ്വകാര്യ വാര്ത്താ ഏജന്സി നടത്തിയ അഭിപ്രായ വോട്ടെടുപ്പിലാണ് ഈ താരരാജാക്കന്മാര് വലിയ വോട്ടുനേടി മുന്നിലെത്തിയത്. ഇരുവര്ക്കും 46 വയസ്സായി. 47-കാരനായ ആമിര്ഖാന്, 44-കാരനായ അക്ഷയ്കുമാര്, 41-കാരനായ സെയ്ഫ് അലിഖാന് എന്നിവരും മത്സരരംഗത്തുണ്ടായിരുന്നു.
ഈ പ്രായത്തിലും ഇവരെല്ലാം ജനപ്രീതിയിലും സൗന്ദര്യത്തിലും മുന്നിരയിലാണെന്ന് ആസ്വാദകര് വിധിയെഴുതിയെങ്കിലും മുന്തൂക്കം നല്കിയത് ഷാരൂഖിനും സല്മാനുമായിരുന്നു. ആകെ പോള്ചെയ്ത 3491 വോട്ടില് 45 ശതമാനം വോട്ടുവീതം സ്വന്തമാക്കിയാണ് ഷാരൂഖും സല്മാനും മുന്നിലെത്തിയത്.
പ്രായത്തിലെന്നപോലെ സ്റ്റാര് സ്റ്റാറ്റസിന്റെ കാര്യത്തിലും ഇരുവരും തമ്മില് സമാനതകളുണ്ട്. രണ്ടുപേരും സൂപ്പര്താരങ്ങളാണ്. ഒന്നാമന് ആരെന്ന കാര്യത്തില് മാത്രമാണ് തര്ക്കം. കഴിഞ്ഞവര്ഷംവരെ ഷാരൂഖ് അനിഷേധ്യനായി ഒന്നാംസ്ഥാനക്കാരനായിരുന്നു. എന്നാല്, തുടരെ ഹിറ്റുകളുമായി സല്മാന് നിലയുറപ്പിച്ചതോടെ പ്രതിഫലംപറ്റുന്നതിന്റെ കാര്യത്തിലെങ്കിലും ഷാരൂഖ് രണ്ടാമനായി എന്നാണ് വാര്ത്തകള്. 'ദബാങ്', വാണ്ടഡ്, 'ബോഡിഗാര്ഡ്' തുടങ്ങിയ ബിഗ്ഹിറ്റുകളുമായി നൂറുകോടിക്ലബില് സല്മാന് അംഗമായതോടെയാണ് പ്രതിഫലം കുത്തനെ കൂട്ടിയത്. എന്നാല്, ഇതൊന്നും സമ്മതിച്ചുകൊടുക്കാന് ഷാരൂഖിന്റെ ആരാധകര് ഒരുക്കമല്ല. 'ഡോണ് 2', 'റാവണ്' തുടങ്ങിയ ഹിറ്റുകളുമായി ഷാരൂഖ് തന്നെയാണ് മുന്നിരയിലെന്നാണ് ഇവരുടെ വാദം.
കാര്യമെന്തൊക്കെയായാലും നായികമാരെ വശീകരിക്കുന്ന സൗന്ദര്യവിഷയത്തില് ഇരുവരും ഒപ്പത്തിനൊപ്പമാണ് മുന്നേറുന്നത്. ബോളിവുഡില് ഇപ്പോള് യുവതാരങ്ങള് അഭിനയിച്ച ചിത്രങ്ങള് കൂട്ടത്തോടെ റിലീസ്ചെയ്യുന്ന പ്രവണതയുണ്ട്. എന്നാല്, ഷാരൂഖും സല്മാനും നേതൃത്വംനല്കുന്ന വെറ്ററന്താരങ്ങള്ക്ക് ഇത് പ്രശ്നമേ അല്ലെന്നാണ് ഇവരുടെ സമീപകാല വാണിജ്യ വിജയങ്ങള് വിരല്ചൂണ്ടുന്നത്. ബിഗ്ഹിറ്റുകളുമായി ഇവര്ക്കൊപ്പം കൈകോര്ക്കാന് അക്ഷയ്കുമാറും സെയ്ഫ് അലിഖാനുമുണ്ട്. ഹൗസ്ഫുള് 2, റൗഡി റാത്തോര് എന്നിവയാണ് അക്ഷയ്കുമാറിന്റെ ബിഗ്ഹിറ്റുകള്. ഏജന്റ് വിനോദ്, കോക്ക്ടെയ്ല് എന്നീ ശ്രദ്ധേയസിനിമകളിലൂടെ സെയ്ഫും തന്റേതായ ഇടം കണ്ടെത്തുകയാണ്.
കഴിഞ്ഞകാല ഹിറ്റ്ചിത്രമായ 'കരണ് അര്ജുന്' ഉള്പ്പെടെ ചുരുക്കംചിത്രങ്ങളില് മാത്രമാണ് ഷാരൂഖും സല്മാനും ഒന്നിച്ചത്. ഇതിലെല്ലാം തുല്യപ്രാധാന്യമുള്ള വേഷങ്ങളായിരുന്നെങ്കിലും ഇരുവരും തമ്മിലുള്ള ഈഗോ പ്രശ്നം നാല്ക്കുനാള് വര്ധിക്കുന്നതായാണ് മാധ്യമങ്ങള് റിപ്പോര്ട്ടുചെയ്തത്. ആദ്യമെല്ലാം ഇരുവരും ഇത് നിഷേധിച്ചിരുന്നെങ്കിലും പിന്നീട് അതും നേര്ത്ത് ഇല്ലാതായത് മാധ്യമങ്ങള്ക്ക് വീണ്ടും വളമായി. ഇവര് തികഞ്ഞ ശത്രുക്കള് തന്നെ എന്ന നിലപാടില് തുടരുകയാണ് മാധ്യമങ്ങള്.
ആരാണ് എന്നതു സംബന്ധിച്ച തര്ക്കം ആരാധകര്ക്കിടയില് അവസാനിക്കുന്നില്ല
നാല്പതുകളിലും കത്തിനില്ക്കുന്ന പുരുഷസൗന്ദര്യത്തിന്റെ കീര്ത്തിമത്ഭാവങ്ങള് ആരൊക്കെ എന്ന് രേഖപ്പെടുത്താന് ബോളിവുഡ് ആസ്വാദകര്ക്ക് അധികം ആലോചിക്കേണ്ടിവന്നില്ല. 'പ്രൊഫഷണല് രംഗത്തെ ശത്രുക്കള്' എന്ന് മാധ്യമങ്ങള് വിശേഷിപ്പിക്കുന്ന ഷാരൂഖ്ഖാനും സല്മാന്ഖാനുമാണ് അവര് തിരഞ്ഞെടുത്ത ഈ സുന്ദരന്മാര്. ഒരു സ്വകാര്യ വാര്ത്താ ഏജന്സി നടത്തിയ അഭിപ്രായ വോട്ടെടുപ്പിലാണ് ഈ താരരാജാക്കന്മാര് വലിയ വോട്ടുനേടി മുന്നിലെത്തിയത്. ഇരുവര്ക്കും 46 വയസ്സായി. 47-കാരനായ ആമിര്ഖാന്, 44-കാരനായ അക്ഷയ്കുമാര്, 41-കാരനായ സെയ്ഫ് അലിഖാന് എന്നിവരും മത്സരരംഗത്തുണ്ടായിരുന്നു.ഈ പ്രായത്തിലും ഇവരെല്ലാം ജനപ്രീതിയിലും സൗന്ദര്യത്തിലും മുന്നിരയിലാണെന്ന് ആസ്വാദകര് വിധിയെഴുതിയെങ്കിലും മുന്തൂക്കം നല്കിയത് ഷാരൂഖിനും സല്മാനുമായിരുന്നു. ആകെ പോള്ചെയ്ത 3491 വോട്ടില് 45 ശതമാനം വോട്ടുവീതം സ്വന്തമാക്കിയാണ് ഷാരൂഖും സല്മാനും മുന്നിലെത്തിയത്.
പ്രായത്തിലെന്നപോലെ സ്റ്റാര് സ്റ്റാറ്റസിന്റെ കാര്യത്തിലും ഇരുവരും തമ്മില് സമാനതകളുണ്ട്. രണ്ടുപേരും സൂപ്പര്താരങ്ങളാണ്. ഒന്നാമന് ആരെന്ന കാര്യത്തില് മാത്രമാണ് തര്ക്കം. കഴിഞ്ഞവര്ഷംവരെ ഷാരൂഖ് അനിഷേധ്യനായി ഒന്നാംസ്ഥാനക്കാരനായിരുന്നു. എന്നാല്, തുടരെ ഹിറ്റുകളുമായി സല്മാന് നിലയുറപ്പിച്ചതോടെ പ്രതിഫലംപറ്റുന്നതിന്റെ കാര്യത്തിലെങ്കിലും ഷാരൂഖ് രണ്ടാമനായി എന്നാണ് വാര്ത്തകള്. 'ദബാങ്', വാണ്ടഡ്, 'ബോഡിഗാര്ഡ്' തുടങ്ങിയ ബിഗ്ഹിറ്റുകളുമായി നൂറുകോടിക്ലബില് സല്മാന് അംഗമായതോടെയാണ് പ്രതിഫലം കുത്തനെ കൂട്ടിയത്. എന്നാല്, ഇതൊന്നും സമ്മതിച്ചുകൊടുക്കാന് ഷാരൂഖിന്റെ ആരാധകര് ഒരുക്കമല്ല. 'ഡോണ് 2', 'റാവണ്' തുടങ്ങിയ ഹിറ്റുകളുമായി ഷാരൂഖ് തന്നെയാണ് മുന്നിരയിലെന്നാണ് ഇവരുടെ വാദം.
കാര്യമെന്തൊക്കെയായാലും നായികമാരെ വശീകരിക്കുന്ന സൗന്ദര്യവിഷയത്തില് ഇരുവരും ഒപ്പത്തിനൊപ്പമാണ് മുന്നേറുന്നത്. ബോളിവുഡില് ഇപ്പോള് യുവതാരങ്ങള് അഭിനയിച്ച ചിത്രങ്ങള് കൂട്ടത്തോടെ റിലീസ്ചെയ്യുന്ന പ്രവണതയുണ്ട്. എന്നാല്, ഷാരൂഖും സല്മാനും നേതൃത്വംനല്കുന്ന വെറ്ററന്താരങ്ങള്ക്ക് ഇത് പ്രശ്നമേ അല്ലെന്നാണ് ഇവരുടെ സമീപകാല വാണിജ്യ വിജയങ്ങള് വിരല്ചൂണ്ടുന്നത്. ബിഗ്ഹിറ്റുകളുമായി ഇവര്ക്കൊപ്പം കൈകോര്ക്കാന് അക്ഷയ്കുമാറും സെയ്ഫ് അലിഖാനുമുണ്ട്. ഹൗസ്ഫുള് 2, റൗഡി റാത്തോര് എന്നിവയാണ് അക്ഷയ്കുമാറിന്റെ ബിഗ്ഹിറ്റുകള്. ഏജന്റ് വിനോദ്, കോക്ക്ടെയ്ല് എന്നീ ശ്രദ്ധേയസിനിമകളിലൂടെ സെയ്ഫും തന്റേതായ ഇടം കണ്ടെത്തുകയാണ്.
കഴിഞ്ഞകാല ഹിറ്റ്ചിത്രമായ 'കരണ് അര്ജുന്' ഉള്പ്പെടെ ചുരുക്കംചിത്രങ്ങളില് മാത്രമാണ് ഷാരൂഖും സല്മാനും ഒന്നിച്ചത്. ഇതിലെല്ലാം തുല്യപ്രാധാന്യമുള്ള വേഷങ്ങളായിരുന്നെങ്കിലും ഇരുവരും തമ്മിലുള്ള ഈഗോ പ്രശ്നം നാല്ക്കുനാള് വര്ധിക്കുന്നതായാണ് മാധ്യമങ്ങള് റിപ്പോര്ട്ടുചെയ്തത്. ആദ്യമെല്ലാം ഇരുവരും ഇത് നിഷേധിച്ചിരുന്നെങ്കിലും പിന്നീട് അതും നേര്ത്ത് ഇല്ലാതായത് മാധ്യമങ്ങള്ക്ക് വീണ്ടും വളമായി. ഇവര് തികഞ്ഞ ശത്രുക്കള് തന്നെ എന്ന നിലപാടില് തുടരുകയാണ് മാധ്യമങ്ങള്.
mathrubhumi.com
Quick links
© Copyright 2013 Mathrubhumi. All rights reserved.