ഓര്മയില് മഞ്ഞ് പെയ്യുന്നു...
23 Jan 2012
ജനുവരി 24 - മലയാളത്തിന്റെ പ്രിയഎഴുത്തുകാരനും ചലച്ചിത്രകാരനുമായ പത്മരാജന്റെ ഓര്മയ്ക്ക്് 21 വര്ഷം. പ്രഭാതത്തിലെ ഇലത്തുമ്പുകളില് മഞ്ഞുതുള്ളികള് കയറിയിരിക്കും പോലെ മനോഹരമായിരുന്നൂ പത്മരാജന് സിനിമകളിലെ ഗാനങ്ങള്. മഴയും മഞ്ഞും കാറ്റും നിലാവും നിറവും പ്രണയവും വിരഹവും രതിയും വിരഹവും വേദനയും പത്മരാജന് ഹൃദയം തൊട്ട് കാവ്യാത്മകമായി അഭ്രപാളികളില് അവതരിപ്പിച്ചു. പത്മരാജന് സംവിധാനം ചെയ്ത സിനിമകളില് നിന്ന് തിരഞ്ഞെടുത്ത 10 ഗാനങ്ങള് ഇവിടെ.
ഏകാന്തതേ നിന്റെ ദ്വീപില്
സിനിമ: നവംബറിന്റെ നഷ്ടം
ഗാനരചയിതാവ്: പൂവച്ചല് ഖാദര്
സംഗീതം: കെ സി വര്ഗ്ഗീസ്
ആലാപനം: ജെന്സി
ഏകാന്തതേ നിന്റെ ദ്വീപില്
ഏകാന്തമാം ഒരു ബിംബം
വേര്പെടും വീഥിയില് ഒന്നില്
തേങ്ങലായി മാറുന്ന ബിംബം
ആശകള് മേയുന്ന തീരം
നീലിമ മായുന്ന തീരം
നേരിയ ശ്വാസലയത്തില്
ഇവിടെ വിടരും അരിയ മലരും അഴലണിയുകയോ
ഇണക്കിളി തന് ചിറകൊടിയുകയോ
വാക്കുകള് തേടുന്ന മൗനം
സാന്ദ്രത കൂടുന്ന മൗനം
മനസ്സില് നിന്നുലയുന്ന നാളം
അറിയാതെ തെറ്റുന്ന താളം
ഇരവില് പകലില് നിഴലില് നിഴലായ്
നെഞ്ചോടു ചേരുന്ന ദുഃഖം
പൂ വേണോ പൂ വേണോ...
സിനിമ: ദേശാടനക്കിളി കരയാറില്ല
ഗാനരചയിതാവ്: ഒ എന് വി കുറുപ്പ്
സംഗീതം: രവീന്ദ്രന്
ആലാപനം: കെ എസ് ചിത്ര
പൂ വേണോ... പൂ വേണോ...
തേനോലും നിന് ഈണം കാതോര്ത്തു ഞാന്
കൈനീട്ടി ഞാന് ഏതോ പൂവും തേടി
ആകാശം നീലാകാശം
നീ പാടുമ്പോള് പൂ ചൂടുന്നു
എന്നാത്മാവിന് പൂത്താലം നീട്ടി ഞാന്
സ്നേഹത്തിന് പൂ മാത്രം ചോദിക്കുമെന്
മൌനത്തിന് സംഗീതം നീ കേട്ടുവോ
ഒരു പൂ ഒരു പൂ വിരിയും
അതില് വന്നണയും നനയും
കിളികള് കിളികള്!
കാണാതെ നീ കാണാതെ
നിന് മാണിക്യപ്പൂത്താലത്തില്, എന്
സ്നേഹത്തിന് പൊന്നാണ്യം വച്ചു ഞാന്
മൌനങ്ങള് മന്ത്രങ്ങളാകുന്നുവോ
മന്ത്രങ്ങള് സംഗീതമാകുന്നുവോ
ഒരു രാക്കിളിതന് മൊഴി കേട്ടുണര്
ഇതിലെ വെറുതെ അലയാന് കൊതിയായ്
പവിഴം പോല് പവിഴാധരം പോല്
സിനിമ: നമുക്ക് പാര്ക്കാന് മുന്തിരിത്തോപ്പുകള്
ഗാനരചയിതാവ്: ശ്രീകുമാരന് തമ്പി
സംഗീതം: ജോണ്സണ്
ആലാപനം: കെ ജെ യേശുദാസ്
പവിഴം പോല് പവിഴാധരം പോല്
പനിനീര് പൊന് മുകുളം പോല്
തുടുശോഭയെഴും നിറമുന്തിരി നിന്
മുഖസൗരഭമോ പകരുന്നൂ
മാതളങ്ങള് തളിര് ചൂടിയില്ലേ കതിര്
പ്പാല്മണികള് കനമാര്ന്നതില്ലേ
മദകൂജനമാര്ന്നിണപ്രാക്കളില്ലേ
പുലര് വേളകളില് വയലേലകളില്
കണി കണ്ടു വരാം കുളിര് ചൂടി വരാം
നിന്നനുരാഗമിതെന് സിരയില് സുഖ
ഗന്ധമെഴും മദിരാസവമായ്
ഇളമാനിണ നിന് കുളിര്മാറില് സഖീ
തരളാര്ദ്രമിതാ തല ചായ്ക്കുകയായ്
വരു സുന്ദരി എന് മലര് ശയ്യയിതില്
മേഘം പൂത്തു തുടങ്ങീ
സിനിമ: തൂവാനത്തുമ്പികള്
ഗാനരചയിതാവ്: ശ്രീകുമാരന് തമ്പി
സംഗീതം: പെരുമ്പാവൂര്.ജി.രവീന്ദ്രനാഥ്
ആലാപനം: കെ ജെ യേശുദാസ്
മേഘം പൂത്തു തുടങ്ങീ മോഹം പെയ്തു തുടങ്ങീ
മേദിനീ കേട്ടു നെഞ്ചില് പുതിയൊരു താളം
ആരാരെ ആദ്യമുണര്ത്തീ ആരാരുടെ നോവു പകര്ത്തീ
ആരാരുടെ ചിറകിലൊതുങ്ങീ അറിയില്ലല്ലോ
അറിയില്ലല്ലോ അറിയില്ലല്ലോ
എരി വേനല് ചൂടിന്റെ കഥയാകെ മറന്നൂ
ഒരു ധന്യ ബിന്ദുവില് കാലമലിഞ്ഞൂ
പുതുമണ്ണിന് സ്വപ്നം പുല്ക്കൊടികളായുണരും
അവ പിന്നെ പൂക്കളങ്ങളാകും
വളര്ന്നേറും വനമാകും
അലകടല് തിര വര്ഷ മദം കൊണ്ടു വളര്ന്നും
അടിത്തട്ടില് പവിഴങ്ങള് വിങ്ങി വിളഞ്ഞൂ
പരിരംഭണത്തിന്റെ രതിഭാവമെന്നും
പകരുമീ സാഗരത്തിന് ഗാനം
നിത്യ ഗാനം മര്ത്യ ദാഹം
നീ വിണ് പൂ പോല്
സിനിമ: ഇന്നലെ
ഗാനരചയിതാവ്:കൈതപ്രം ദാമോദരന് നമ്പൂതിരി
സംഗീതം: പെരുമ്പാവൂര് ജി രവീന്ദ്രനാഥ്
ആലാപനം: കെ ജെ യേശുദാസ്,കെ എസ് ചിത്ര
നീ വിണ് പൂ പോല് ഇതളായ് തെളിയും വരമായ് നിറമായ്
ഞാന് നിന് തൂവിണ് ചിറകിന് തണലില് കുളിരായ് മുഴുകി
ആലിന് കൊമ്പില് കിളിയുണരുമ്പോള്
ആകാശത്തമ്പിളിയുരുകുമ്പോള്
ഇരുളല ചിതറിയ പുലരിയുണര്ന്നതി-
ലിന്നലെ മൂടിയ മഞ്ഞുരുകി
ഹിമജലമൊഴുകിയ പുഴയിലഴകില് നാ-
മിരുമെയ് പുണരും ചലനം ചലനം
കൊന്നപ്പൂക്കണിമുറ്റം നിറയും മേടരാവില് പാല്ക്കിനാവില്
നിഴലായ് നിലാവായ് ചേര്ന്നു നാം
വെള്ളിമുകിലുകളോടിയൊളിഞ്ഞു ചന്ദനമേട്ടിന് മേലെ
തമ്മില്ത്തമ്മില് ഇലകളോതിയുള്ളില്ത്തങ്ങും കിളിനുണകള്
കഥകളിലാടിക്കാറ്റിന് കൈയ്യില് കൈ മാറും നേരം
കഥകളിലാടിക്കാറ്റിന് കൈയ്യില് കൈ മാറും നേരം
നാണത്തിരയിളകീ.....മേളം തുടിയിളകീ
താരത്തിരുമിഴി മാടിവിളിക്കെ മല്ലിക്കാവില് തെളിനീര്ക്കനവില്
പൂത്തിരുവാതിര കണ്ടു നാം
സോമരാഗപ്പൂക്കളുറങ്ങിയ നിര്മ്മാല്യഹാരം ചൂടി നാം
തമ്മില്ത്തമ്മില് അറിവു പകരുമാനന്ദത്തിന് കടയിളകും
രതിയുടെ അക്കരയിക്കരയോളം കണ്ടു മടങ്ങുമ്പോള്
രതിയുടെ അക്കരയിക്കരയോളം കണ്ടു മടങ്ങുമ്പോള്
നാണത്തിരയിളകീ.
mathrubhumi.com
Quick links
© Copyright 2011 Mathrubhumi. All rights reserved.