രോപണങ്ങള്‍ കേട്ടു മടുത്തു. ആക്ഷേപങ്ങളും വേണ്ടുവോളം സഹിച്ചു. ഒടുവില്‍ ഹൃത്വിക്ക് റോഷന്‍ മനസ്സ് തുറന്നു. പഴയ ബന്ധത്തിന്റെ പേരില്‍ ആരോപണശരങ്ങള്‍ എയ്യുന്ന കങ്കണ റണാവത്തിനുള്ള മറുപടിയുമായി വന്നിരിക്കുകയാണ് ഹൃത്വിക്ക്.

എപ്പോഴും പുരുഷന്മാര്‍ വേട്ടക്കാരും സ്ത്രീകള്‍ ഇരകളുമായരിക്കുമെന്ന് ധരിക്കുന്നവര്‍ അവര്‍ക്ക് ഇഷ്ടമുള്ളത് ധരിച്ചോട്ടെ. നല്ല പിള്ള ചമയാനല്ല എന്റെ ശ്രമം. ഈ ആരോപണങ്ങള്‍ ഉന്നയിച്ച ആളെ ഞാന്‍ ഇതുവരെ സ്വകാര്യമായി കണ്ടിട്ടില്ല. ഞങ്ങള്‍ തമ്മില്‍ യാതൊരു ബന്ധവുമില്ല. അതിന്റെ ഒരു തെളിവും അവര്‍ക്ക് കാണിക്കാനായില്ല. ഫോട്ടോഷോപ്പ് ചെയ്ത ഒരു ചിത്രമാണ് ഉണ്ടായിരുന്നത്. അത് വ്യാജമാണെന്ന് ഒരു ദിവസം കൊണ്ട് തന്നെ തെളിഞ്ഞു.

എന്റെ ജീവിതത്തില്‍ ഇന്നേവരെ ഒറ്റയ്ക്ക് കാണാത്ത ഒരാളണിവര്‍ എന്നതാണ് സത്യം. ഞങ്ങള്‍ ഒന്നിച്ച് സിനിമയില്‍ പ്രവര്‍ത്തിച്ചിട്ടുണ്ട്. എന്നാല്‍, ഇതുവരെ സ്വകാര്യമായി തമ്മില്‍ കണ്ടിട്ടില്ല. ഇതാണ് സത്യം. പാരിസില്‍ ഞങ്ങളുടെ വിവാഹനിശ്ചയം കഴിഞ്ഞു എന്നാണ് പറയുന്നത്. എന്നാല്‍, എന്റെ പാസ്പോര്‍ട്ട് പരിശോധിച്ചാല്‍ അറിയാം. ആ പറഞ്ഞ സമയത്ത് ഞാന്‍ ഇന്ത്യ വിട്ടുപോയിട്ടില്ല. നാല് വര്‍ഷമായി ഞാന്‍ ഈ കേസില്‍ മാനസികമായി പീഡിപ്പിക്കപ്പെടുകയാണ്. സമൂഹത്തിന് സ്ത്രീകളോടുള്ള പക്ഷംചേരലുകള്‍ എന്നെ നിസ്സഹായനാക്കി. ഈ സംഭവത്തില്‍ സ്വയം പ്രതിരോധം തീര്‍ക്കേണ്ട അവസ്ഥയിലാണ് ഞാന്‍-ഹൃത്വിക്ക് ട്വിറ്ററില്‍ പറഞ്ഞു.

ട്വിറ്റിലെ ഹൃത്വിക്കിന്റെ കുറിപ്പ് വായിക്കാം

സര്‍ഗാത്മതകതയുടെയും സര്‍ഗസൃഷ്ടിയുടെയും പാത തിരഞ്ഞടുത്ത ആളാണ്. ഇതുമായി ഒത്തുപോവാത്തതിനെയെല്ലാം അവഗണിക്കാനാണ് എനിക്ക് ഇഷ്ടം. അതിക്രമിച്ചു കയറുന്നവരെ നിരുത്സാഹപ്പെടുത്താനുള്ള ഏറ്റവും നല്ല വഴി അതിനെക്കുറിച്ച് പ്രതികരിക്കാതിരിക്കുകയാണെന്ന് ഞാന്‍ വിശ്വസിക്കുന്നു. എന്നാല്‍, അലോസരമുണ്ടാക്കി തിരിച്ചുവരുന്ന ചില ആരോഗ്യപ്രശ്നങ്ങളെപ്പോലെ നമ്മള്‍ അവഗണിക്കുന്ന വിഷയങ്ങളും ചിലപ്പോള്‍ തിരിച്ചുവരും. ഇപ്പോഴത്തെ ഈ വിഷയം എന്ന സംബന്ധിച്ചിടത്തോളം നിര്‍ഭാഗ്യത്തിന് ഗുരുതരമായിരിക്കുകയാണ്.

ഈ വിഷയം ഉപേക്ഷിക്കാന്‍ മാധ്യമങ്ങള്‍ എന്തായാലും ഒരുക്കമല്ല. എനിക്ക് ഒരു പങ്കുമില്ലാത്ത ഈ വിഷയത്തില്‍ നല്ല പിള്ള ചമയുകയും സ്വയം ന്യായീകരിക്കുകയും ചെയ്ത് ഈ കര്‍സത്തില്‍ ഭാഗമാകുന്നതില്‍ ഒട്ടും താത്പര്യമുള്ള ആളല്ല ഞാന്‍. ഈ വൃത്തികെട്ട വിഷയത്തിലേയ്ക്ക് എന്നെ ബോധപൂര്‍വം വലിച്ചിഴയ്ക്കുകയായിരുന്നു.

 എന്റെ ജീവിതത്തില്‍ ഇന്നേവരെ ഒറ്റയ്ക്ക് കാണാത്ത ഒരാളണിവര്‍ എന്നതാണ് സത്യം. ഞങ്ങള്‍ ഒന്നിച്ച് സിനിമയില്‍ പ്രവര്‍ത്തിച്ചിട്ടുണ്ട്. എന്നാല്‍, ഇതുവരെ സ്വകാര്യമായി തമ്മില്‍ കണ്ടിട്ടില്ല. ഇതാണ് സത്യം.

ഏതെങ്കിലും ഒരു ആരോപണത്തെ ചൊല്ലിയുള്ള ഒരു പോരാട്ടത്തിലല്ല ഞാന്‍. നല്ല കുട്ടി എന്ന ഇമേജ് നിലനിര്‍ത്താനുള്ള ശ്രമവുമല്ല. എന്റെ പിഴവുകളെക്കുറിച്ച് നല്ല ബോധ്യമുണ്ടെനിക്ക്. ഞാനുമൊരു മനുഷ്യനാണ്.

കൂടുതല്‍ ഗൗരമേറിയ, ദൂരവ്യാപകഫലമുള്ള, വിനാശകാരിയായ ഒരു വിഷയില്‍ നിന്ന് സ്വയം രക്ഷിക്കാനാണ് എന്റെ ശ്രമം.

ഇതിന്റെ സത്യാവസ്ഥ അറിയാന്‍ മാധ്യമങ്ങളിലും പൊസമൂഹത്തിലും വളരെ കുറച്ച് ആളുകള്‍ക്കു മാത്രമാണ് താത്പര്യം എന്നതാണ് സങ്കടകരമായ കാര്യം. ഇത് ഞാന്‍ തിരിച്ചറിഞ്ഞ ഒരു സത്യമാണ്. സ്ത്രീ എന്നും ഇരയും പുരുഷന്‍ ഒരു വേട്ടക്കാരനുമാണെന്ന പൊതുധാരണ വച്ചു പുലര്‍ത്തുന്ന ഒരു സമൂഹത്തെ മാതൃകയായി കാണുന്നവര്‍ ഈയൊരു കള്ളത്തില്‍ സന്തോഷവാന്മാരാണെങ്കില്‍ അതങ്ങിനെ നിലനില്‍ക്കട്ടെ.

സ്ത്രീകള്‍ നൂറ്റാണ്ടുകളായി പുരുഷന്മാരില്‍ നിന്ന് പീഡനം അനുഭവിക്കുന്നു. ഇതെന്നെ വല്ലാതെ ക്ഷുഭിതനാക്കുന്നു. ഇവര്‍ കര്‍ശനമായ ശിക്ഷയ്ക്ക് അര്‍ഹരാണ്. ഈ ന്യായം വച്ച് ഒരു പുരുഷന് പീഡനമേല്‍ക്കില്ലെന്നും സ്ത്രീ കള്ളം പറയില്ലെന്നുമാണ് ധരിക്കുന്നതെങ്കില്‍ ആ ധാരണ അങ്ങനെ തന്നെ നിലനില്‍ക്കട്ടെ.

രണ്ട് സെലിബ്രിറ്റികള്‍ തമ്മില്‍ ഏഴ് വര്‍ഷമായി നിലനിന്ന ഒരു ബന്ധത്തിന്റെ യാതൊരു തെളിവും അവശേഷിക്കുന്നില്ല. പാപ്പരാസികളുടെ ചിത്രങ്ങളോ സാക്ഷികളോ ഒരു സമ്മാനമോ 2014ല്‍ പാരിസില്‍ നടന്നുവെന്ന് പറയപ്പെടുന്ന നിശ്ചയത്തിന്റെ സെല്‍ഫിയോ പ്രണയയത്തിന്റെ സ്മാരകമായി ഒരു സമ്മാനമോ ഇല്ല.

എന്നിട്ടും ഒരു പെണ്‍കുട്ടി പറയുന്ന കള്ളമായനതിനാല്‍ അവര്‍ പറയുന്നത് വിശ്വസിക്കാനാണ് ആളുകള്‍ക്ക് ഇഷ്ടം.

2014 ജനുവരില്‍ ഞാന്‍ ഇന്ത്യയ്ക്ക് പുറത്തുപോയിട്ടില്ലെന്ന് എന്റെ പാസ്പോര്‍ട്ട് രേഖകള്‍ തെളിയിക്കും.

ഞങ്ങളുടെ ബന്ധത്തിന്റെ ആകെയുള്ള തെളിവായി അവശേഷിക്കുന്നത് മാധ്യമങ്ങളില്‍ പ്രത്യക്ഷപ്പെട്ട ഫോട്ടോഷോപ്പ് ചെയ്ത ഒരു ഫോട്ടോ മാത്രമാണ്. എന്നാല്‍, ഇത് പിറ്റേ ദിവസം തന്നെ എന്റെ മുന്‍ ഭാര്യ അടക്കമുള്ള ആളുകള്‍ പൊളിച്ചടുക്കി.

എന്നാല്‍, ഈ ചോദ്യങ്ങളൊന്നും ആരും ചോദിച്ചിട്ടില്ല. കാരണം സ്ത്രീകളെ സംരക്ഷിക്കാന്‍ മാത്രമാണ് നമ്മള്‍ പഠിച്ചത്. ഞാനും ഇങ്ങനെ തന്നെയാണ് ചിന്തിക്കുന്നത്. എന്നാല്‍ ഈ സംഭവത്തില്‍ എന്റെ മാതാപിതാക്കളും ജീവിതത്തെ മാറ്റിമറിച്ച സ്ത്രീയും എനിക്ക് പിന്തുണയേകി. അവരോട് എന്നും കടപ്പെട്ടിരിക്കും. കുടുംബത്തിന്റെ വില എന്താണെന്നും സ്ത്രീകളോടുള്ള ബഹുമാനം എന്താണെന്നും ഞാന്‍ എന്റെ കുട്ടികള്‍ക്ക് മനസ്സിലാക്കികൊടുക്കാറുണ്ട്. സ്ത്രീകള്‍ക്ക് വേണ്ടി നിലകൊള്ളണമെന്നും അവരോട് എന്നും പറയാറുണ്ട്.

ഞാന്‍ 3000 ഈമെയിലുകള്‍ അയച്ചെന്നാണ് പറയപ്പെടുന്നത്. ഇതിന്റെ സത്യാവസ്ഥ സൈബര്‍സെല്ലിന് നിഷ്പ്രയാസം തെളിയിക്കാം.അതിന് അവര്‍ക്ക് ദിവസങ്ങള്‍ മതി. അതുകൊണ്ടാണ് ഞാനെന്റെ ലാപ്ടോപ്പ്,  ഫോണ്‍ തുടങ്ങി എല്ലാ ഉപകരണങ്ങളും പൊലീസ് മുന്നില്‍ സമര്‍പ്പിച്ചത്. എന്നാല്‍ പരാതിക്കാര്‍ ഇതുവരെയും ഇതൊന്നും പൊലീസിന് നല്‍കിയിട്ടില്ല. അതുകൊണ്ടുതന്നെ ആ കേസ് തീരാതെ മുന്നോട്ട് പോവുകയാണ്.

ഇതൊരിക്കലും പ്രണയിനികളുടെ വഴക്കല്ല, അത് ഞാന്‍ വീണ്ടും ഉറപ്പിച്ച് പറയുന്നു. ദയവ് ചെയ്ത് ഇത് ഒരാളുടെ മാത്രം പ്രശ്നമായി ചിത്രീകരിക്കരുത്. സത്യം എന്താണെന്ന് നിങ്ങള്‍ മനസ്സിലാക്കാന്‍ ശ്രമിക്കൂ.

നാല് വര്‍ഷമായി ഞാന്‍ ഈ കേസില്‍ മാനസികമായി പീഡിപ്പിക്കപ്പെടുകയാണ്. സമൂഹത്തിന് സ്ത്രീകളോടുള്ള പക്ഷംചേരലുകള്‍ എന്നെ നിസ്സഹായനാക്കി. ഈ സംഭവത്തില്‍ സ്വയം പ്രതിരോധം തീര്‍ക്കേണ്ട അവസ്ഥയിലാണ് ഞാന്‍.

ഞാനൊരിക്കലും ദേഷ്യത്തിലല്ല സംസാരിക്കുന്നത്. ജീവിതത്തില്‍ ഇന്നുവരെ ആരോടും വഴക്കുണ്ടാക്കാത്ത ആളാണ്. അത് സ്ത്രീകളോടായാലും ശരി പുരുഷനോടായാലും ശരി. എന്റെ വിവാഹമോചനത്തില്‍പ്പോലും വഴക്ക് ഉണ്ടായിട്ടില്ല. സാഹചാര്യങ്ങളിൽ സമാധാനം ഉണ്ടാകാനാണ് ഞാന്‍ ആഗ്രഹിക്കുന്നത്.

ഞാന്‍ ഇവിടെ ആരെയും കുറ്റപ്പെടുത്താനോ വിധിപറയാനോ വന്നതല്ല. സത്യത്തിനായി നിലകൊള്ളേണ്ട സമയമായി. കാരണം സത്യം അവഗണിക്കപ്പെടുമ്പോള്‍ സമൂഹത്തിന്റെ പൊതുവായ കാഴ്ചപ്പാട് തന്നെയാണ് അവഗണിക്കപ്പെടുന്നത്.