MATHRUBHUMI RSS
Loading...
ഗ്യാസ് സിലിണ്ടര്‍ സൂക്ഷിച്ച് ഉപയോഗിക്കാം
ഗീതാ ഹരിഹരന്‍

സിലിണ്ടര്‍ എപ്പോഴും വായു സഞ്ചാരമുള്ളിടത്തേ വയ്ക്കാവൂ.

സിലിണ്ടര്‍ കുഴിയിലിറക്കിവയ്ക്കുന്നതും അടപ്പുകൊണ്ട് അടച്ച് വയ്ക്കുന്നതും മറയ്ക്കുന്നതും അപകടസാധ്യത കൂടും.

അടുക്കളയില്‍ ഗ്യാസ് സിലിണ്ടര്‍ സൂര്യപ്രകാശം തട്ടാത്ത സ്ഥലത്താണ് വയ്‌ക്കേണ്ടത്. അതിശക്തമായ സൂര്യപ്രകാശം ഏറ്റാല്‍ ചൂടുകാരണം സിലിണ്ടറിനുള്ളിലെ മര്‍ദം അധികമാവുകയും അത് പൊട്ടിത്തെറിക്ക് വഴിയൊരുക്കുകയും ചെയ്യാം.

സിലിണ്ടര്‍ ചെരിച്ചിടാനോ ഉരുട്ടിക്കൊണ്ടുപോകാനോ പാടില്ല. അത് സിലിണ്ടറിനുള്ളിലെ ദ്രവരൂപത്തിലുള്ള ഇന്ധനം പുറത്തേക്ക് ഒഴുകാനിടയാക്കും.

ഗ്യാസ് സിലിണ്ടര്‍ ഫിറ്റ് ചെയ്യുമ്പോഴും മാറ്റുമ്പോഴും അടുക്കളയിലെ വാതിലുകളും ജനാലകളും തുറന്നിട്ട് വായു സഞ്ചാരയോഗ്യമാക്കണം.

ഗ്യാസ് ലീക്ക് ചെയ്യുന്നുവെന്ന് സംശയം തോന്നിയാല്‍ ആ ഭാഗത്ത് സോപ്പ് വെള്ളം ഉപയോഗിച്ച് പരിശോധിക്കുക. സോപ്പ് കുമിളകള്‍ രൂപംകൊള്ളുകയാണെങ്കില്‍ ഗ്യാസ് ലീക്കുണ്ടെന്ന് തീര്‍ച്ചയാക്കാം.

തീപ്പെട്ടി ഉരച്ച് ഒരിക്കലും ഗ്യാസ് ലീക്ക് ഉണ്ടോയെന്ന് പരിശോധിക്കരുത്.