ചരമം

ഷെഫീറ
എരമംഗലം:
വെളിയംങ്കോട് പാമ്പന്റോഡ് കടമ്പാളത്ത് യൂസുഫിന്റെ മകള്‍ ഷെഫീറ (21) അന്തരിച്ചു. മാതാവ്: ബഷീറ. സഹോദരങ്ങള്‍: റൗഫ്, ആഷിഫ്

ഹംസ
വണ്ടൂര്‍: ചെറുകോട് മാമ്പ്ര ഹംസ (66) അന്തരിച്ചു. ഭാര്യ: ഖദീജ. മക്കള്‍: മുസാദിഖ് ബാബു, ഫൈസല്‍ (ഇരുവരും ജിദ്ദ), രേഷ്മ (അധ്യാപിക, കൃഷ്ണ എ.യു.പി.സ്‌കൂള്‍ തച്ചിങ്ങനാടം), ഷാരൂഖ്. മരുമക്കള്‍: സബ്രീന്‍, റഷീദ് (അധ്യാപകന്‍, കൃഷ്ണ എ.യു.പി. സ്‌കൂള്‍ തച്ചിങ്ങനാടം), സുമയ്യ.

വെട്ടിച്ചിറയില്‍ കെ.എസ്.ആര്‍.ടി.സി. ബസിടിച്ച് അയ്യപ്പഭക്തന്‍ മരിച്ചു
തിരുനാവായ:
വെട്ടിച്ചിറ ദേശീയപാതയില്‍ കെ.എസ്.ആര്‍.ടി.സി. ബസിടിച്ച് അയ്യപ്പഭക്തന്‍ മരിച്ചു. കര്‍ണാടക വഢിനി കോപ്പ ഷിമുഗ വിദ്യാനഗറിലെ നാരായണപ്പയുടെ മകന്‍ കണ്ണപ്പ(70)യാണ് മരിച്ചത്.
യാത്രയ്ക്കിടെ വെട്ടിച്ചിറയിലിറങ്ങിയ അയ്യപ്പഭക്ത യാത്രാസംഘത്തിലെ കണ്ണപ്പ റോഡ് മുറിച്ചുകടക്കവെ ബസ് ഇടിക്കുകയായിരുന്നു. ചൊവ്വാഴ്ച രാത്രി 12.30-ഓടെയാണ് അപകടം. കോട്ടയ്ക്കലിലെ സ്വകാര്യ ആസ്​പത്രിയിലെത്തിച്ചെങ്കിലും രക്ഷിക്കാനായില്ല. കാടാമ്പുഴ പോലീസ് ഇന്‍ക്വസ്റ്റ് നടത്തി തിരൂര്‍ ജില്ലാ ആസ്​പത്രിയില്‍ മൃതദേഹപരിശോധന നടത്തി ബന്ധുക്കള്‍ക്ക് വിട്ടുകൊടുത്തു.

മുഹമ്മദ്
എടപ്പാള്‍:
ഉദിനിക്കര വള്ളുവന്‍കടവില്‍ മുഹമ്മദ് (55) അന്തരിച്ചു. ഭാര്യ: ആമിനക്കുട്ടി. മക്കള്‍: സുമയ്യ, സുലൈഖ, സുഫൈറത്ത്, സുനയ്യ. മരുമക്കള്‍: സുബൈര്‍ (കോഴിക്കോട് വിമാനത്താവളം ഉദ്യോഗസ്ഥന്‍), ഷാഹുല്‍ (ഖത്തര്‍).

മുത്തായി വേലായുധന്‍
വണ്ടൂര്‍: വാണിയമ്പലം ശാന്തിനഗര്‍ കൂറ്റംപാറ കോളനിയില്‍ മുത്തായി വേലായുധന്‍ (കുഞ്ഞൂപ്പന്‍-52) ജോലിക്കിടെ റബ്ബര്‍തോട്ടത്തില്‍ കുഴഞ്ഞുവീണ് മരിച്ചു. അത്താണിയില്‍ റബ്ബര്‍തോട്ടത്തില്‍ ജോലിചെയ്യവേ ചൊവ്വാഴ്ച രാവിലെ പതിനൊന്നരയോടെയാണ് കുഴഞ്ഞുവീണത്. വണ്ടൂരിലെ സ്വകാര്യ ആസ്​പത്രിയിലെത്തിച്ചെങ്കിലും രക്ഷിക്കാനായില്ല.
ഭാര്യ: ഷീബ. മക്കള്‍: നിഷിദ, നിഷ്മ, നിത്യ, നിഖില്‍. മരുമകന്‍: അനില്‍. സഹോദരങ്ങള്‍: സുന്ദരന്‍, ഇണ്ണികുട്ടി, ലീല, പദ്മിനി, രവി, പരേതനായ ബാലകൃഷ്ണന്‍. ശവസംസ്‌കാരം ബുധനാഴ്ച വൈകുന്നേരം കുടുംബശ്മശാനത്തില്‍.

ഛര്‍ദിയും അതിസാരവും; മറുനാടന്‍ തൊഴിലാളി മരിച്ചു
തിരൂരങ്ങാടി:
ഛര്‍ദിയും അതിസാരവും പിടിപെട്ടതിനെത്തുടര്‍ന്ന് കോഴിക്കോട് മെഡിക്കല്‍കോളേജ് ആസ്​പത്രിയില്‍ ചികിത്സയിലായിരുന്ന മറുനാടന്‍ തൊഴിലാളി മരിച്ചു.
തൃക്കുളം പതിനാറുങ്ങലിലെ വാടക ക്വാര്‍ട്ടേഴ്‌സില്‍ താമസിക്കുന്ന ഒഡിഷ സ്വദേശിയായ ഗുരു (44) ആണ് ചൊവ്വാഴ്ച മരിച്ചത്. അസുഖത്തെത്തുടര്‍ന്ന് കുറച്ചുദിവസമായി ഇയാള്‍ ചികിത്സയിലായിരുന്നതായി നെടുവ ആരോഗ്യകേന്ദ്രത്തിലെ ഹെല്‍ത്ത് ഇന്‍സ്‌പെക്ടര്‍ പറഞ്ഞു.

രുക്മിണി
പെരിന്തല്‍മണ്ണ:
പാതായ്ക്കര കാര്‍ഗിലില്‍ പരേതനായ കൊട്ടേക്കോട്ട് രാമന്റെ ഭാര്യ രുക്മിണി (74) അന്തരിച്ചു. മക്കള്‍: രാധാഭായ് (ഡയറക്ടര്‍, പെരിന്തല്‍മണ്ണ അര്‍ബന്‍ ബാങ്ക്), ശോഭന, ഭാസ്‌കരന്‍ (സൗദി), പാര്‍വതി, ശാന്ത, പരേതയായ വിലാസിനി. മരുമക്കള്‍: ഗോപാലകൃഷ്ണന്‍ (ഐഡിയല്‍ മെഡിക്കല്‍സ്, പെരിന്തല്‍മണ്ണ), ദാസന്‍, ജയദേവന്‍ (ടെല്‍ക്ക്, അങ്കമാലി), മണികണ്ഠന്‍, പ്രദീപ്, ബീന. ശവസംസ്‌കാരം ബുധനാഴ്ച ഉച്ചയ്ക്ക് 12-ന് തിരുവില്വാമല ഐവര്‍മഠത്തില്‍.

മുണ്ടി
ചങ്ങരംകുളം: ചങ്ങരംകുളം മങ്കുത്തികാവ് ക്ഷേത്രത്തിനു സമീപം താമസിക്കുന്ന കൊഴിക്കരപടി പരേതനായ കോരന്റെ ഭാര്യ മുണ്ടി (90) അന്തരിച്ചു. മക്കള്‍: അപ്പുക്കുട്ടന്‍ (റിട്ട. എസ്.ബി.ഐ, ചാലിശ്ശേരി), ബാലന്‍ (ബി.എം.എസ്.യൂണിയന്‍, ചങ്ങരംകുളം), തങ്ക, അമ്മിണി, തങ്കമണി, ലീല (എസ്.ബി.ഐ, കുറ്റിപ്പുറം), ശാന്ത. മരുമക്കള്‍: തങ്കമണി, രമണി, വേലായുധന്‍, ഗുപ്തന്‍, അയ്യപ്പന്‍, ചന്ദ്രന്‍, കുട്ടന്‍.

നളിനാക്ഷന്‍
വണ്ടൂര്‍: വാണിയമ്പലം മുടപ്പിലാശ്ശേരി കിണായത്ത് നളിനാക്ഷന്‍ (അപ്പു-74) അന്തരിച്ചു. സി.പി.എം. ലോക്കല്‍ കമ്മിറ്റി അംഗമായിരുന്നു. ഭാര്യ: സത്യവതി. മക്കള്‍: അഡ്വ. സാബു, ശാന്തി. മരുമക്കള്‍: ഉണ്ണിക്കൃഷ്ണന്‍, കവിത. ശവസംസ്‌കാരം ബുധനാഴ്ച രാവിലെ എട്ടിന് ഷൊര്‍ണൂര്‍ ശാന്തിതീരം ശ്മശാനത്തില്‍.

മുഹമ്മദ് ഹാജി
താനാളൂര്‍: താനാളൂര്‍ ചുങ്കത്തെ ആദ്യകാല ടീസ്റ്റാള്‍ ഉടമ പുക്‌ളാശ്ശേരി മുഹമ്മദ് ഹാജി (85) അന്തരിച്ചു. ഭാര്യ: പരേതയായ തായുമ്മ. മക്കള്‍: ഹംസ, മുജീബ്, സൈനബ, മറിയാമു. മരുമക്കള്‍: സുലൈമാന്‍, മൊയ്തീന്‍ബാവ, കദീജ, സൈനബ. സഹോദരങ്ങള്‍: ജമാലുട്ടി, കതിയാമു.

അബ്ദുസലാം
ചെറുമുക്ക്: മകളുടെ വിവാഹത്തിന് നാട്ടിലേക്ക് വരാനിരിക്കേ പിതാവ് ജിദ്ദയില്‍ മരിച്ചു. ചെറുമുക്ക് പള്ളിക്കത്തായം മഹല്ല് ജുമാമസ്ജിദിന്റെ പിന്‍വശത്തു താമസക്കാരനായ പരേതനായ എറപറമ്പന്‍ മൊയ്തീന്റെ മകന്‍ അബ്ദുസലാം (47) ആണ് മരിച്ചത്. ജിദ്ദയിലെ സ്വകാര്യ ആസ്​പത്രിയില്‍ തിങ്കളാഴ്ച രാത്രിയാണ് മരിച്ചത്. ജിദ്ദയില്‍ ഖബറടക്കം നടത്തിയെന്ന് ബന്ധുകള്‍ അറിയിച്ചു.
ജിദ്ദയില്‍ ബൂഫിയയില്‍ ജോലിചെയ്തു വരികയായിരുന്നു അബ്ദുസലാം. ഒന്നരവര്‍ഷം മുമ്പാണ് നാട്ടില്‍വന്നു മടങ്ങിപ്പോയത്. മകളുടെ വിവാഹത്തിനു പങ്കെടുക്കാന്‍ എല്ലാ ഒരുക്കങ്ങളും പൂര്‍ത്തിയാക്കി നാട്ടിലേക്കുവരാനുള്ള തയ്യാറെടുപ്പിനിടെയാണ് അബ്ദുസലാമിന്റെ മരണം. മാതാവ്: ആമിക്കുട്ടി. ഭാര്യ: ചൊക്ലി ശരീഫ. മക്കള്‍: മുര്‍ഷിദ്, മുഫ്‌ലിഹ. സഹോദരങ്ങള്‍: മുസ്തഫ, മൂസക്കുട്ടി, റഫീഖ്, റഹീസ്, ജമീല, ആസിയ, ഫാത്തിമ.

നാണിക്കുട്ടിയമ്മ
വള്ളിക്കുന്ന്: അത്താണിക്കല്‍ പണിക്കര്‍പാറയ്ക്ക് സമീപം താമസിക്കുന്ന നവജീവന്‍ എ.എല്‍.പി. സ്‌കൂളിലെ മുന്‍ അധ്യാപകന്‍ പരേതനായ പുന്നോളി കൂടത്തിങ്ങല്‍ നാരായണമേനോന്റെ ഭാര്യ ചേലക്കോട്ട് പുള്ളാട്ട് നാണിക്കുട്ടിയമ്മ (84) അന്തരിച്ചു. മക്കള്‍: അംബുജാക്ഷി, ഉണ്ണികൃഷ്ണന്‍ (സൗദി), സോമനാഥന്‍ (എ.എം.മോട്ടോഴ്‌സ് മഞ്ചേരി), ബാലകൃഷ്ണന്‍, ശങ്കരനാരായണന്‍ (ഓട്ടോ ഡ്രൈവര്‍), കൈരളി, ലീല, വേണുഗോപാലന്‍ (ജോര്‍ദ്ദാന്‍). മരുമക്കള്‍: ശോഭന, ജ്യോതി, രജനി, സജിത, അജിത്കുമാര്‍ ,ശശിധരന്‍, സിന്ധു (വളാഞ്ചേരി സഹകരണ ബാങ്ക്)

കുഞ്ഞിമുഹമ്മദ് ഹാജി
കല്പകഞ്ചേരി: പന്താവൂരിലെ ആലിക്കല്‍ കുഞ്ഞിമുഹമ്മദ് ഹാജി(കുഞ്ഞാക്ക-77) അന്തരിച്ചു. താനൂര്‍ ബ്ലോക്ക് പഞ്ചായത്ത് അംഗം, വളവന്നൂര്‍ പഞ്ചായത്ത് അംഗം, പന്താവൂര്‍ ലജ്‌നത്തുല്‍ മുസ്തര്‍ ഷിദീന്‍ സംഘം പ്രസിഡന്റ് എന്നീ സ്ഥാനങ്ങള്‍ വഹിച്ചിട്ടുണ്ട്.
ഭാര്യ: ഖദീജ. മക്കള്‍: ഖാലിദ്, നസീമ, നദീറ, നജീബ് ബാബു, നൗഫല്‍, ശബ്‌ന. മരുമക്കള്‍: ഹനീഫ, ഗഫൂര്‍, ഫൈസല്‍, നൂര്‍ജഹാന്‍, സിയാന, മുനീറ. സഹോദരി: നഫീസ.

ഇട്ട്യാത്തന്‍
തൃക്കണാപുരം: കണ്ടനകത്ത് പറമ്പില്‍ ഇട്ട്യാത്തന്‍ (മാനു-72) അന്തരിച്ചു. ഭാര്യ: കമലാക്ഷി. മക്കള്‍: ഗണേഷ്‌കുമാര്‍, ഗവേഷ്, പരേതനായ ഗമേഷ്. മരുമകള്‍: ദൃശ്യ. സഹോദരങ്ങള്‍: വേലായുധന്‍ (തവനൂര്‍ സര്‍വീസ് സഹകരണബാങ്ക്), കല്യാണി.

ലീലാമ്മ
എടക്കര: റോഡ് മുറിച്ചുകടക്കുന്നതിനിടെ ബൈക്കിടിച്ച് സ്ത്രീ മരിച്ചു. എടക്കര മുസ്ലിയാരങ്ങാടിയില്‍ റേഷന്‍ഷോപ്പ് ഉടമ ചുങ്കത്തറ മാമ്പൊയില്‍ മേക്കാട്ട് ജോണിന്റെ ഭാര്യ ലീലാമ്മ(അന്നമ്മ-60)യാണ് മരിച്ചത്.
ചൊവ്വാഴ്ച രാവിലെ പത്തരയോടെ മാമ്പൊയിലില്‍ വെച്ചാണ് അപകടം. എടക്കരയിലേക്കുള്ള ബസ് കയറുന്നതിനായി റോഡ് മുറിച്ചുകടക്കുന്നതിനിടെ എതിരെവന്ന ബൈക്ക് ഇടിക്കുകയായിരുന്നു. ഗുരുതരമായി പരിക്കേറ്റ ഇവരെ നിലമ്പൂര്‍ ജില്ലാ ആസ്​പത്രിയില്‍ എത്തിച്ചെങ്കിലും രക്ഷിക്കാനായില്ല.
മക്കള്‍: അനീഷ്, അജീഷ്, അനൂപ്. മരുമക്കള്‍: വില്‍മ, നീന, നിമ്മി. ശവസംസ്‌കാരം വ്യാഴാഴ്ച വൈകീട്ട് മൂന്നിന് തലഞ്ഞി സെന്റ് മേരീസ് പള്ളി സെമിത്തേരിയില്‍.

SHOW MORE