രാഘവന്‍നായര്‍
പുത്തൂര്‍: കുളക്കട ജി.എച്ച്.എസ്. എസ്സിലെ വിരമിച്ച അധ്യാപകന്‍ താഴത്തുകുളക്കട കളീലുവിളയില്‍ വീട്ടില്‍ രാഘവന്‍നായര്‍ (86) അന്തരിച്ചു. ഭാര്യ: കെ. ചെല്ലമ്മ. മക്കള്‍: വിലാസിനി അമ്മ, ഗീത, ശോഭ, ഡോ. ചന്ദ്രമോഹനന്‍, അഞ്ജന. മരുമക്കള്‍: സോമശേഖരന്‍നായര്‍ രാജേന്ദ്രബാബു, ശശിധരന്‍പിള്ള, ഹസീന, ഓമനക്കുട്ടന്‍നായര്‍. ശവസംസ്‌കാരം ബുധനാഴ്ച 1.30ന് വീട്ടുവളപ്പില്‍.

ഭിത്തി ഇടിഞ്ഞ് ഒരാള്‍ മരിച്ചു
ചവറ: കോവില്‍ത്തോട്ടം പള്ളിക്ക് തെക്കുവശമുള്ള പഴയ കെട്ടിടം പൊളിച്ചുമാറ്റുന്നതിനിടയില്‍ ഭിത്തി ഇടിഞ്ഞുവീണ് ഒരാള്‍ മരിച്ചു. തേവലക്കര പാലയ്ക്കല്‍ മുകുളത്തറ പടിഞ്ഞാറ്റതില്‍ അലിയാരുകുഞ്ഞിന്റെ മകന്‍ ഷമീറാ(28)ണ് മരിച്ചത്. ചൊവ്വാഴ്ച രാവിലെ 9.30നായിരുന്നു അപകടം. പൊളിഞ്ഞുവീണ അവശിഷ്ടങ്ങള്‍ക്കിടയില്‍ കുടുങ്ങിയ ഇയാളെ കൂടെയുണ്ടായിരുന്നവര്‍ ഉടന്‍തന്നെ ജില്ലാ ആസ്​പത്രിയില്‍ എത്തിച്ചെങ്കിലും രക്ഷിക്കാനായില്ല. ചവറ പോലീസ് കേസെടുത്തു.

അജ്ഞാത യുവാവ് ട്രെയിന്‍ തട്ടി മരിച്ചു
കൊല്ലം: അജ്ഞാത യുവാവ് ട്രെയിനിടിച്ച് മരിച്ചു. വേപ്പാലുംമൂട് റെയില്‍വേ ട്രാക്കില്‍ തിങ്കളാഴ്ച രാവിലെ ഒമ്പതുമണിയോടെയാണ് പരിക്കേറ്റനിലയില്‍ യുവാവിനെ കണ്ടത്. ആസ്​പത്രിയില്‍ എത്തിച്ചെങ്കിലും മരിച്ചു. 30 വയസ് തോന്നിക്കുന്ന യുവാവ് കാപ്പിപ്പൊടി കളറില്‍ വെള്ളവരകളോടുകൂടിയ ചെക്ക്ഷര്‍ട്ടും നീല ജീന്‍സും ധരിച്ചിട്ടുണ്ട്. മൃതദേഹം ജില്ലാ ആസ്​പത്രി മോര്‍ച്ചറിയില്‍. കൊല്ലം ഈസ്റ്റ് പോലീസ് കേസെടുത്തു.

കൃഷ്ണമ്മാള്‍
ചവറ: പന്മന മേക്കാട് കൃഷ്ണാലയത്തില്‍ പരേതനായ ഗോപാലന്റെ ഭാര്യ കൃഷ്ണമ്മാള്‍ (61) അന്തരിച്ചു. മക്കള്‍: ബാലന്‍, ശാന്തി, അയ്യപ്പന്‍. മരുമക്കള്‍: മഹാലക്ഷ്മി, ഗോപാലന്‍, വിജയലക്ഷ്മി.

പുഷ്പാംഗദന്‍
കുണ്ടറ: മുളവന പേരയം മാര്‍ത്താണ്ഡപുരത്ത് കിഴക്കതില്‍വീട്ടില്‍ പുഷ്പാംഗദന്‍ (72) അന്തരിച്ചു. ഭാര്യ: തങ്കമ്മ. മക്കള്‍: സജീവ്, കുസുമകുമാരി, ഗീത, സുജ, ശോഭ. മരുമക്കള്‍: സുലേഖ, രെജു, ഹരികുമാര്‍, ശിവന്‍, ലാലു. ശവസംസ്‌കാരം ബുധനാഴ്ച 11 ന് വീട്ടുവളപ്പില്‍

ഗോപാലകൃഷ്ണപിള്ള
കുണ്ടറ: കൊറ്റങ്കര മുണ്ടന്‍ചിറ, കൃഷ്ണഭവനത്തില്‍ ഗോപാലകൃഷ്ണപിള്ള (57) അന്തരിച്ചു. ഭാര്യ: തങ്കമണി. മക്കള്‍: ഗോപന്‍, ഗോപിക.

ഓട്ടോറിക്ഷയില്‍ ടിപ്പര്‍ലോറിയിടിച്ച് ബാലിക മരിച്ചു
ചവറ: ദേശീയപാതയില്‍ കന്നേറ്റി പാലത്തിന് സമീപം ഓട്ടോറിക്ഷയില്‍ ടിപ്പര്‍ ലോറി ഇടിച്ചുണ്ടായ അപകടത്തില്‍ ബാലിക മരിച്ചു. രണ്ടുപേര്‍ക്ക് പരിക്കേറ്റു. ടിപ്പര്‍ ലോറി നിര്‍ത്താതെ പോയി.
ശാസ്താംകോട്ട പോരുവഴി ചാത്താംകുളം ആലുംമൂട്ടില്‍ കിഴക്കതില്‍ സന്തോഷ് കെ. ജോയ്, റീനാ ജോയ് ദമ്പതിമാരുടെ മകള്‍ ഷരോണ്‍ മറിയാ ജോയ് (ആറ്) ആണ് മരിച്ചത്.
ചൊവ്വാഴ്ച വൈകിട്ട് നാലിനായിരുന്നു അപകടം. കായംകുളം റെയില്‍വേസ്റ്റേഷനില്‍നിന്ന് തേവലക്കരയിലെ കുടുംബവീട്ടിലേക്ക് വരുമ്പോഴായിരുന്നു ദുരന്തം. ഓട്ടോറിക്ഷ സഞ്ചരിച്ചിരുന്ന അതേ ദിശയില്‍ത്തന്നെയാണ് ടിപ്പര്‍ ലോറിയും വന്നത്. ഓട്ടോയെ മറികടക്കാന്‍ ശ്രമിക്കുന്നതിനിടയില്‍ എതിര്‍ദിശയില്‍നിന്ന് വാഹനം വരുന്നതുകണ്ട് വെട്ടിത്തിരിക്കുന്നതിനിടയില്‍ ഓട്ടോയില്‍ ടിപ്പര്‍ ഇടിക്കുകയായിരുന്നു. റോഡിന്റെ വശത്തുള്ള കോണ്‍ക്രീറ്റ് സംരക്ഷണത്തൂണില്‍ ഇടിച്ചശേഷം ഓട്ടോ താഴ്ചയിലേക്ക് മറിഞ്ഞു.
സന്തോഷ് കെ. ജോയിയുടെ അമ്മ മറിയാമ്മ ജോയ്, ഓട്ടോറിക്ഷ ഡ്രൈവര്‍ കായംകുളം എരുവ ശ്രീകൃഷ്ണ സദനത്തില്‍ എം. സദാനന്ദന്‍ എന്നിവര്‍ക്കാണ് പരിക്ക്. ഷാരോണിനെ കരുനാഗപ്പള്ളി താലൂക്കാസ്​പത്രിയിലേക്ക് കൊണ്ടുപോകുംവഴിയാണ് മരിച്ചത്. സന്തോഷ്‌ജോയിക്കും റീനാജോയിക്കും പരിക്കില്ല.
ഡല്‍ഹിയില്‍ ലോക്‌സഭാ സ്​പീക്കറുടെ ഓഫീസിലെ ഉദ്യോഗസ്ഥനാണ് സന്തോഷ് കെ. ജോയ്. കുടുംബവുമായി ഡല്‍ഹിയില്‍നിന്ന് നാട്ടിലേക്ക് വന്നതാണ്. ഷാരോണിന്റെ മൃതദേഹം കരുനാഗപ്പള്ളി ആസ്​പത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. റൂബേണ്‍ ജോയി സഹോദരനാണ്. ചവറ പോലീസ് കേസെടുത്തു

അനില്‍കുമാര്‍
ഓച്ചിറ: ചവറ തോട്ടപ്പുറത്ത് പരേതനായ രാജശേഖരന്റെയും ശാന്തകുമാരിയമ്മയുടെയും മകന്‍ ഓച്ചിറ കുറുങ്ങപ്പള്ളി വന്ദനത്തില്‍ അനില്‍കുമാര്‍ (44) , (എ.എസ്.സി. നാഗാലാന്റ് ) അന്തരിച്ചു. ഭാര്യ: സിന്ധു. മക്കള്‍: സന്ദീപ്, സന്ദിപ്ത. ശവസംസ്‌കാരം ബുധനാഴ്ച മൂന്നിന് വീട്ടുവളപ്പില്‍

വൈ. മാത്യു
അഞ്ചല്‍: പുത്തയം പൊയ്കയില്‍ വീട്ടില്‍ മാത്യു (99) അന്തരിച്ചു. ഭാര്യ: പരേതയായ റാഹേലമ്മ. മക്കള്‍: പൊടിയമ്മ, അമ്മിണി, കുഞ്ഞമ്മ, തങ്കമ്മ, ജോയി, അച്ചന്‍കുഞ്ഞ്, പരേതനായ സാംകുട്ടി. മരുമക്കള്‍: പി. വി. വര്‍ക്കി, ശാമുവേല്‍ക്കുട്ടി, ജോയിക്കുട്ടി, മത്തായി, ആലീസ്, റോസമ്മ, ഓമന.

കുഞ്ഞുപിള്ള
കരുനാഗപ്പള്ളി: ആദിനാട് വടക്ക് റിട്ട. കെ.എസ്.ആര്‍.ടി.സി. വെഹിക്കിള്‍ സൂപ്പര്‍വൈസര്‍ തുളസീമംഗലത്ത് കെ.ജി.കുഞ്ഞുപിള്ള (93) അന്തരിച്ചു. ഭാര്യ: പരേതയായ പങ്കജാക്ഷി. മക്കള്‍: സരള, തുളസീധരന്‍ ( റിട്ട. വെഹിക്കിള്‍ സൂപ്പര്‍വൈസര്‍ കെ.എസ്.ആര്‍.ടി.സി. ) , ശ്യാമള, ഗീതാകുമാരി. മരുമക്കള്‍: പരേതനായ കെ. പി. തമ്പി, ശോഭന, എസ്. കാര്‍ത്തികേയന്‍ ( അസിസ്റ്റന്റ് കണ്‍ട്രോളര്‍ ഓഫ് ഡിഫന്‍സ് അക്കൗണ്ടന്റ് ) , കെ. പി. ബ്രഹദ്രഥന്‍ ( റിട്ട. സുബേദാര്‍ മേജര്‍ ) . ശവസംസ്‌കാരം ബുധനാഴ്ച രണ്ടിന് വീട്ടുവളപ്പില്‍.

ഏലിയാമ്മ
ഇളമ്പല്‍: എലിക്കോട് മണ്‍കുന്നത്ത് ചരുവിള വീട്ടില്‍ തങ്കച്ചന്റെ ഭാര്യ ഏലിയാമ്മ(78) അന്തരിച്ചു. കൊട്ടാരക്കര പാറക്കല്‍ കുടുംബാംഗമാണ്. മക്കള്‍: തങ്കമ്മ, വര്‍ഗ്ഗീസ്, ലീലാമ്മ, ഫിലിപ്പ്, ജോണ്‍, മിനി. മരുമക്കള്‍: സോമല്‍, ഗ്രേസ്സി, തങ്കച്ചന്‍, ജോളി, സുജ, സാബു.

അനില്‍കുമാര്‍
ഇളമ്പല്‍: തെക്കേടത്തുവീട്ടില്‍ പരേതനായ പരമേശ്വരന്‍ പിള്ളയുടെ മകന്‍ പി.അനില്‍കുമാര്‍(40) അന്തരിച്ചു. അമ്മ: മാലതിയമ്മ. ഭാര്യ: ശ്രീജാകുമാരി. മക്കള്‍: അഭിനവ്, ദേവീകൃഷ്ണ. ശവസംസ്‌കാരം വ്യാഴാഴ്ച രാവിലെ 10 ന് വീട്ടുവളപ്പില്‍.

ശോശാമ്മ എബ്രഹാം
ഇടമുളയ്ക്കല്‍: മുള്ളുകാട്ടില്‍ വീട്ടില്‍ പരേതനായ ഡി.എബ്രഹാമിന്റെ ഭാര്യ ശോശാമ്മ എബ്രഹാം(94) അന്തരിച്ചു. കുണ്ടറ വലിയവിള കുടുംബാംഗമാണ്. മക്കള്‍: അന്നമ്മ, തോമസ്, ഏലിയാമ്മ, ലൂക്കോസ്, മത്തായിക്കുട്ടി (സെന്റ് ജോണ്‍സ് കോളേജ്, അഞ്ചല്‍), സാമുവല്‍കുട്ടി (മുംബൈ). മരുമക്കള്‍: ലീലാമ്മ, ബേബി, റോസമ്മ, ഷെറിന്‍, പരേതനായ പൊന്നച്ചന്‍, പരേതയായ അമ്മിണി. ശവസംസ്‌കാരം ബുധനാഴ്ച രണ്ടിന് ഇടമുളയ്ക്കല്‍ സെന്റ്‌തോമസ് മലങ്കര കത്തോലിക്ക പള്ളി സെമിത്തേരിയില്‍.

ചന്ദ്രസേനന്‍
എഴുകോണ്‍: കാരുവേലില്‍ കോഴിക്കോടന്‍ മുക്കിനു സമീപം ഓടുവിള വീട്ടില്‍ ഇ.ചന്ദ്രസേനന്‍(79, റിട്ട. ജീവനക്കാരന്‍ ലൈറ്റ്ഹൗസ് ഡിപ്പാര്‍ട്ട്‌മെന്റ്) അന്തരിച്ചു. ഭാര്യ: ഓമന. മകന്‍: വിക്രംസിംഗ് (ഓഡിറ്റ് ഓഫീസര്‍ ലോക്കല്‍ഫണ്ട് ഓഡിറ്റ് വകുപ്പ്). മരുമകള്‍: ജൂലി. സഞ്ചയനം തിങ്കളാഴ്ച ഏഴിന്.

മരംവീണ് സ്ത്രീത്തൊഴിലാളി മരിച്ചു
തെന്മല: റബ്ബര്‍ പ്ലാന്റിങിന് ഭൂമി ഒരുക്കികൊണ്ടിരുന്ന സ്ത്രീത്തൊഴിലാളി മരംവീണ് മരിച്ചു. ഇരുളങ്കാട് ആഞ്ഞിലിമൂട്ടില്‍ വീട്ടില്‍ കൃഷ്ണന്റെ ഭാര്യ മുപ്പിഡാപി(57)യാണ് മരിച്ചത്. വെഞ്ച്വര്‍ എസ്റ്റേറ്റിലെ ഫേ്‌ളാറന്‍സില്‍ ചൊവ്വാഴ്ച ഉച്ചയ്ക്ക് 12 മണിയോടെയായിരുന്നു അപകടം.
വെട്ടിയൊഴിഞ്ഞ തോട്ടത്തില്‍ പുതിയ പ്ലാന്റിങ്ങിനായി ഭൂമി ഒരുക്കുന്ന പണിയിലായിരുന്നു എസ്റ്റേറ്റിലെ താത്കാലിക തൊഴിലാളിയായിരുന്ന മുപ്പിഡാപി. ഇവര്‍ ജോലി ചെയ്തുകൊണ്ടിരുന്നതിന് സമീപത്തെ മരുതിമരം കാറ്റില്‍ ഒടിഞ്ഞ് വീഴുകയായിരുന്നു. മരത്തിനടിയില്‍പ്പെട്ട ഇവര്‍ സംഭവസ്ഥലത്തുതന്നെ മരിച്ചു. സമീപത്ത് മറ്റ് തൊഴിലാളികളുണ്ടായിരുന്നെങ്കിലും പരിക്കില്ലാതെ രക്ഷപ്പെട്ടു.

കോയാക്കുഞ്ഞ്
കൂട്ടിക്കട: മയ്യനാട് നൗഷാദ് മന്‍സിലില്‍ (പണ്ടാലയം) കുന്നത്ത് കിഴക്കേതില്‍ എം. കോയാക്കുഞ്ഞ്(68) അന്തരിച്ചു. ഭാര്യ: ലത്തീഫാബീവി. മക്കള്‍: ലൈലാബീവി, നൗഷാദ്, നജീമ. മരുമക്കള്‍: അബ്ദുല്‍സലാം, കമറുദ്ദീന്‍, സജീനം.

ഗൗരിക്കുട്ടയമ്മ
കല്ലുവാതുക്കല്‍: മേവനക്കോണം താഴേവീട്ടില്‍ പരേതനായ ഗോവിന്ദക്കുറുപ്പിന്റെ ഭാര്യ ഗൗരിക്കുട്ടിയമ്മ (80) അന്തരിച്ചു. മക്കള്‍: വാസുദേവക്കുറുപ്പ്, ശാന്തമ്മ അമ്മ, വിജയമ്മ അമ്മ, തുളസീധരക്കുറുപ്പ്, പരേതനായ രാജേന്ദ്രക്കുറുപ്പ്. മരുമക്കള്‍: സരസ്വതിയമ്മ, അയ്യപ്പന്‍പിള്ള, ജലജ, പരേതനായ മോഹനക്കുറുപ്പ്. സഞ്ചയനം ശനിയാഴ്ച ഏഴിന്.

പരമേശ്വരന്‍ ഉണ്ണിത്താന്‍
പെരുമ്പുഴ: റേഡിയോ ജങ്ഷന്‍ തോട്ടോമഠത്തില്‍ കെ. പരമേശ്വരന്‍ ഉണ്ണിത്താന്‍ (88) അന്തരിച്ചു. ഭാര്യ: പരേതയായ തങ്കമ്മയമ്മ. മക്കള്‍: തുളസീധരന്‍ ഉണ്ണിത്താന്‍ (എസ്.ബി.ടി. കുണ്ടറ.), ഗിരിജാകുമാരി, ഗീതാകുമാരി, സുധാകരന്‍ ഉണ്ണിത്താന്‍, ലതാകുമാരി, രാജേന്ദ്രന്‍ ഉണ്ണിത്താന്‍. മരുമക്കള്‍: രമാദേവി, രവീന്ദ്രന്‍ നായര്‍, മോഹനന്‍ പിള്ള, ഷീലാകുമാരി, വിനോദ്, ഗീത. സഞ്ചയനം 26ന് ഏഴിന്.

വിശ്വനാഥന്‍
പുനലൂര്‍: വിളക്കുവെട്ടം മാംങ്കോയ്ക്കല്‍ വീട്ടില്‍ വിശ്വനാഥന്‍ (75) അന്തരിച്ചു. ഭാര്യ: സരസ്വതി. മക്കള്‍: സുരേഷ്ബാബു, സുമ. മരുമക്കള്‍: ബീന, പ്രകാശ്. ശവസംസ്‌കാരം ബുധനാഴ്ച രണ്ടിന് വീട്ടുവളപ്പില്‍. സഞ്ചയനം 26ന്.

ലക്ഷ്മി അമ്മാള്‍
പുനലൂര്‍: തൊളിക്കോട് ലക്ഷ്മി ഭവനില്‍ പരേതനായ ശിവരാമന്‍ ആചാരിയുടെ ഭാര്യ ലക്ഷ്മി അമ്മാള്‍ (95) അന്തരിച്ചു. മക്കള്‍: അര്‍ജ്ജുനന്‍ (ഖത്തര്‍), രാജമ്മ, ഗോപാലന്‍, സരസമ്മ, നാരായണന്‍കുട്ടി (പി.ഡബ്ല്യു.ഡി. കോണ്‍ട്രാക്ടര്‍), ഷണ്‍മുഖന്‍. മരുമക്കള്‍: ശാന്തമ്മ, അംബിക, സുരേന്ദ്രന്‍, ശകുന്തള, ശ്യാമള. ശവസംസ്‌കാരം ബുധനാഴ്ച 10ന് വീട്ടുവളപ്പില്‍.

എസ്.രാജേന്ദ്രന്‍
കൊട്ടാരക്കര: ഓടനാവട്ടം കട്ടയില്‍ ആശാന്‍പടിയില്‍ കുന്നില്‍വീട്ടില്‍ എസ്.രാജേന്ദ്രന്‍ (49) അന്തരിച്ചു. ഭാര്യ: കവിത. മക്കള്‍: നിഖില്‍രാജ്, നന്ദനരാജ്. ശവസംസ്‌കാരം ബുധനാഴ്ച രാവിലെ ഒമ്പതിന്.

കാര്‍ത്തിക
വവ്വാക്കാവ്: കുറുങ്ങപ്പള്ളി മുളയ്ക്കവടക്കതില്‍വീട്ടില്‍ സദാനന്ദന്റെ ഭാര്യ കാര്‍ത്തിക (64) അന്തരിച്ചു. മക്കള്‍: രാധിക, രാജേഷ്, ജയചന്ദ്രന്‍. മരുമക്കള്‍: ഉദയന്‍, ദിവ്യ, ശ്യാമ. ശവസംസ്‌കാരം ബുധനാഴ്ച 11 ന് വീട്ടുവളപ്പില്‍. സഞ്ചയനം ഞായറാഴ്ച എട്ടിന്.

കെ.രാജേന്ദ്രന്‍
ചെറിയഴീക്കല്‍: തൈതോപ്പില്‍ കെ.രാജേന്ദ്രന്‍ (80) അന്തരിച്ചു. ഭാര്യ: ശാന്ത. സഹോദരങ്ങള്‍: പരേതയായ സരസ, തുളസി, സേതു, സുഷമ, ഉഷ, സുഭഗ, സുജ. മരണാനന്തരകര്‍മ്മം ജൂണ്‍ മൂന്നിന് 10 ന്.

എസ്.എന്‍. കോളേജ് മുന്‍ പ്രിന്‍സിപ്പല്‍ ഡോ. പി. വിജയരാഘവന്‍
കൊല്ലം: എസ്.എന്‍. കോളേജ് മുന്‍ പ്രിന്‍സിപ്പല്‍ കൊല്ലം പട്ടത്താനം ജവഹര്‍ ജങ്ഷന്‍ ശ്രീനികേതനില്‍ ഡോ. പി.വിജയരാഘവന്‍ (87) അന്തരിച്ചു. കൊല്ലം ശ്രീനാരായണ കോളേജ് പോളിറ്റിക്‌സ് വകുപ്പ് മേധാവിയും തുടര്‍ന്ന് പുനലൂര്‍,വര്‍ക്കല, കണ്ണൂര്‍ ശ്രീനാരായണ കോളേജുകളില്‍ പ്രിന്‍സിപ്പലായും സേവനമനുഷ്ഠിച്ചു. 1984ല്‍ കൊല്ലം ശ്രീനാരായണ കോളേജില്‍നിന്നും പ്രിന്‍സിപ്പലായിട്ടാണ് വിരമിച്ചത്.
കൊല്ലം ശ്രീനാരായണ കോളേജില്‍ സാമ്പത്തികശാസ്ത്രം വകുപ്പുമേധാവിയും പ്രിന്‍സിപ്പലുമായി വിരമിച്ച പ്രൊഫ. എന്‍.സതി ആണ് ഭാര്യ. മക്കള്‍: ഡോ. മീനാ രാമന്‍കുട്ടി (മെഡിക്കല്‍ കോളേജ്, തിരുവനന്തപുരം), ഡോ.ആശ കിഷോര്‍ (എസ്.സി.ടി., തിരുവനന്തപുരം), ഡോ. ലേഖാ രാജീവ്(ഷാര്‍ജ). മരുമക്കള്‍: ഡോ. വി.രാമന്‍കുട്ടി(എസ്.സി.ടി. തിരുവനന്തപുരം), ക്യാപ്റ്റന്‍ കിഷോര്‍ എസ്.വൈ.(എസ്.സി.ഐ. മുബൈ), രാജീവന്‍ കെ.(ചാര്‍ട്ടേര്‍ഡ് അക്കൗണ്ടന്റ്, എറണാകുളം)സി.പി.ഐ. നേതാവും മുന്‍ മന്ത്രിയുമായിരുന്ന പരേതനായ പി. രവീന്ദ്രന്‍ സഹോദരനാണ്.
വിരമിച്ചശേഷം കൊല്ലത്ത് സാമൂഹ്യ സാംസ്‌കാരിക രംഗങ്ങളില്‍ സജീവമായിരുന്നു ഡോ. പി. വിജയരാഘവന്‍. കൊല്ലം പബ്ലിക് ലൈബ്രറി അഡൈ്വസറി ബോര്‍ഡ് മെമ്പര്‍, എസ്.എന്‍. കോളേജ് റിട്ടയേര്‍ഡ് ടീച്ചേഴ്‌സ് അസോസിയേഷന്‍ സ്ഥാപക പ്രസിഡന്റ്, എസ്.എന്‍.വി. സദനം രക്ഷാധികാരി എന്നീ നിലകളില്‍ സേവനമനുഷ്ടിച്ചിട്ടുണ്ട്. ശവസംസ്‌കാരം ബുധനാഴ്ച 11ന് പോളയത്തോട് ശ്മശാനത്തില്‍.