കെ.കെ. കുഞ്ഞുമോന്‍
കൊടുങ്ങൂര്‍: പൊന്‍കുന്നം എസ്.കെ.എം. എന്‍ജിനിയറിങ് വര്‍ക്ക്‌ഷോപ്പ് ഉടമ തേക്കാനം മനോജ്ഭവനില്‍ കെ.കെ. കുഞ്ഞുമോന്‍ (68) അന്തരിച്ചു. പരേതന്‍ ചാമംപതാലില്‍ കുടുംബാംഗമാണ്. ഭാര്യ: ലീലാമ്മ പൊന്‍കുന്നം വെട്ടിക്കാട്ട് കുടുംബാംഗം. മക്കള്‍: മനോജ് സി.കെ. (ഡി.ഇ.ഒ. ഓഫീസ്, കാഞ്ഞിരപ്പള്ളി), മഞ്ജു സി.കെ. മരുമക്കള്‍: സുനില്‍കുമാര്‍, സീത. ശവസംസ്‌കാരം വ്യാഴാഴ്ച രണ്ടിന് വീട്ടുവളപ്പില്‍.

രവീന്ദ്രന്‍
കുറിഞ്ഞി: ചൊള്ളയ്ക്കല്‍ രവീന്ദ്രന്‍ (54) അന്തരിച്ചു. ഭാര്യ: ശ്യാമള കോഴിപ്പിള്ളി വേനത്താനത്ത് കുടുംബാംഗം. മക്കള്‍: രമ്യ, സൗമ്യ. മരുമക്കള്‍: സുധീഷ് കൃഷ്ണവിലാസം ഉഴവൂര്‍, ശ്രീകുമാര്‍ ചെറുശ്ശേരി കുറവിലങ്ങാട്. ശവസംസ്‌കാരം വ്യാഴാഴ്ച 10ന് സഹോദരന്‍ വിശ്വന്റെ വീട്ടുവളപ്പില്‍.

ജോസ് ജോസഫ്
രാമപുരം: കുഴുമ്പില്‍ ജോസ് ജോസഫ് (51) അന്തരിച്ചു. ഉദയ്പൂര്‍ സെന്റ് പോള്‍സ് സീനിയര്‍ സെക്കന്‍ഡറി സ്‌കൂള്‍ അധ്യാപകനായിരുന്നു. ഭാര്യ: റോസി ജോസ് അങ്കമാലി ഏഴുമല കുടുംബാംഗം. മക്കള്‍: ഗീത്, നയന്‍താര. ശവസംസ്‌കാരം വ്യാഴാഴ്ച 2.30ന് രാമപുരം സെന്റ് അഗസ്റ്റ്യന്‍ ഫൊറോനാ പള്ളി സെമിത്തേരിയില്‍.

ദേശീയ തുഴച്ചില്‍ താരം താരാ കുര്യന്റെ അച്ഛന്‍ വെള്ളക്കെട്ടില്‍ മരിച്ചനിലയില്‍
മേലെചിന്നാര്‍:ഒളിമ്പ്യനും ദേശീയ തുഴച്ചില്‍ താരവുമായ താരാ കുര്യന്റെ അച്ഛന്‍ കുമ്പളാട്ടുകുന്നേല്‍ കുര്യന്‍ (സണ്ണി-45) വെള്ളക്കെട്ടില്‍ വീണ് മരിച്ചനിലയില്‍ കണ്ടെത്തി. മേലേചിന്നാര്‍ -നെടുങ്കണ്ടം റോഡിനു സമീപമുള്ള കുടിവെള്ള ജലാശയത്തിലാണ് കുര്യനെ ബുധനാഴ്ച രാവിലെ ഏഴുമണിയോടെ മരിച്ചനിലയില്‍ കണ്ടത്. ഭാര്യ:ഉഷ. മറ്റുമക്കള്‍: നീതു (നഴ്‌സിങ് വിദ്യാര്‍ഥി, ബാംഗ്ലൂര്‍), ചിപ്പി. ബന്ധുക്കള്‍ മരണത്തില്‍ സംശയം പ്രകടിപ്പിച്ചതിനെ തുടര്‍ന്ന് മൃതദേഹം പോസ്റ്റുമോര്‍ട്ടത്തിനായി കോട്ടയം മെഡിക്കല്‍ കോളേജിലേക്ക് മാറ്റി. ശവസംസ്‌കാരം വെള്ളിയാഴ്ച രാവിലെ 10ന് മേലേചിന്നാര്‍ ബഥേല്‍ സെന്റ് ജേക്കബ്ബ് പള്ളി സെമിത്തേരിയില്‍.
പരിശീലനത്തിന്റെ ഭാഗമായി താര ഹൈദരാബാദിലായിരുന്നുു. താരയും സഹോദരി ചിപ്പിയും ആലപ്പുഴ 'സായി' യുടെ താരങ്ങളാണ്.

മകളുടെ വിവാഹം കഴിഞ്ഞ് ഒരുമണിക്കൂറിനുശേഷം അമ്മ മരിച്ചു
വണ്ടിപ്പെരിയാര്‍:വിവാഹ ചടങ്ങുകള്‍ക്കുശേഷം ഒരുമണിക്കൂര്‍ കഴിഞ്ഞ് വധുവിന്റെ അമ്മ മരിച്ചു. ഡൈമൂക്ക് കോണ്‍ഗ്രസ് (ഐ) മുന്‍ വാര്‍ഡ് പ്രസിഡന്റ് കെ. പരമശിവന്റെ ഭാര്യ ലക്ഷ്മി (54) ആണ് മരിച്ചത്. ഇവരുടെ മൂന്നാമത്തെ മകള്‍ ഭുവനേശ്വരിയുടെ വിവാഹമായിരുന്നു ബുധനാഴ്ച. തേങ്ങാക്കല്‍ എസ്റ്റേറ്റില്‍ തങ്കരാജിന്റെ മകന്‍ കുമാറായിരുന്നു വരന്‍. വിവാഹം ബുധനാഴ്ച 11.30ന് വധുവിന്റെ വീട്ടില്‍നടത്തി. ചടങ്ങുകള്‍ തീര്‍ന്നശേഷം ഉച്ചയ്ക്ക് ഒരുമണിയോടെ ലക്ഷ്മിക്ക് ദേഹാസ്വാസ്ഥ്യം അനുഭവപ്പെട്ടു. ബന്ധുക്കള്‍ കട്ടപ്പന സെന്റ്‌ജോണ്‍സ് ആസ്​പത്രിയിലേക്ക് കൊണ്ടുപോയെങ്കിലും വഴിമധ്യേ മരണം സംഭവിച്ചു. മറ്റുമക്കള്‍: വെങ്കിടേശ്വരി (തമിഴ്‌നാട്), രാജേശ്വരി (ആനക്കുഴി), ശ്രീലേഖ (അടിമാലി), മണികുമാര്‍, ശിവകുമാര്‍.

ബസ്സിടിച്ച് വയോധിക മരിച്ചു
തൊടുപുഴ:ബസ് സ്റ്റാന്‍ഡിനുള്ളില്‍ ബസ്സിടിച്ച് വയോധിക മരിച്ചു. കാഞ്ഞാര്‍ മാഞ്ഞമടയ്ക്കല്‍ പരേതനായ മുഹമ്മദിന്റെ ഭാര്യ സൈനബ (85) ആണ് മരിച്ചത്. ബുധനാഴ്ച രാവിലെ 9.15 ന് തൊടുപുഴ സ്വകാര്യ ബസ്സ്റ്റാന്‍ഡിലായിരുന്നു അപകടം. മൂലമറ്റം- തൊടുപുഴ റൂട്ടിലോടുന്ന ബസ്സാണ് ഇടിച്ചത്. ഇതേ ബസ്സില്‍ കാഞ്ഞാറില്‍ നിന്ന് കയറിയ സൈനബ ബസ് സ്റ്റാന്‍ഡില്‍ വന്നിറങ്ങി. തുടര്‍ന്ന്ബസ്സിന്റെ മുന്‍വശം ചേര്‍ന്ന് മറുഭാഗത്തേക്ക് പോകുമ്പോഴായിരുന്നു അപകടം. ഈ സമയം ക്ലീനര്‍ ബെല്ലടിക്കുകയും ബസ് മുന്നോട്ടെടുക്കുകയുമായിരുന്നു. ഡ്രൈവര്‍ക്ക് സൈനബയെ കാണാന്‍ കഴിഞ്ഞില്ല. ബസ്തട്ടി തെറിച്ചുവീണ സൈനബയുടെ തലയ്ക്കാണ് പരിക്കേറ്റത്. ബസ്ജീവനക്കാരും സമീപത്തെ കച്ചവടക്കാരും ചേര്‍ന്ന് തൊടുപുഴയിലെ സ്വകാര്യ ആസ്​പത്രിയില്‍ എത്തിച്ചെങ്കിലും രക്ഷിക്കാനായില്ല. കോതായിക്കുന്നിലുള്ള അനിയത്തിയുടെ വീട്ടിലേക്ക് പോകുകയായിരുന്നു സൈനബ. തൊടുപുഴ പോലീസ് കേസ്സെടുത്തു. അപകടത്തില്‍പ്പെട്ട ബസ് കസ്റ്റഡിയിലെടുത്തിട്ടുണ്ട്. മൃതദേഹം പോസ്റ്റുമോര്‍ട്ടത്തിനു ശേഷം ബന്ധുക്കള്‍ക്ക് വിട്ടുകൊടുത്തു. മക്കള്‍: അബ്ദുള്‍ റസാഖ്, മറിയുമ്മ, മൈമൂണ്‍. മരുമക്കള്‍: ഐഷ, പരേതരായ മീരാന്‍കുട്ടി, അലിയാര്‍.

മീന്‍പിടിക്കാന്‍ പോയ ആദിവാസി യുവാവ് മുങ്ങിമരിച്ച നിലയില്‍
മറയൂര്‍:മീന്‍ പിടിക്കാന്‍ പോയ ആദിവാസി യുവാവ് വെള്ളത്തില്‍ മുങ്ങി മരിച്ച നിലയില്‍. കോവില്‍ക്കടവ് ചെറുവാട് ആദിവാസിക്കുടിയിലെ കറുപ്പസ്വാമിയെയാണ്(30) ബുധനാഴ്ച രാവിലെ മരിച്ചനിലയില്‍ കണ്ടത്. കറുപ്പസ്വാമി സുഹൃത്തിന്റെ കൂടെ തിങ്കളാഴ്ച മീന്‍ പിടിക്കാന്‍ സമീപത്തുള്ള പുഴയില്‍ പോയി. സുഹൃത്ത് അന്ന്‌വൈകീട്ട് ഒറ്റയ്ക്ക് തിരിച്ചെത്തി. ചൊവ്വാഴ്ച രാത്രിയായിട്ടും കാണാതിരുന്ന കറുപ്പസ്വാമിയെ അന്വേഷിച്ച് ബന്ധുക്കളും നാട്ടുകാരും ചേര്‍ന്ന് നടത്തിയ തിരച്ചിലില്‍ കരയ്ക്ക് കറുപ്പസ്വാമിയുടെ മുണ്ടും ഷര്‍ട്ടും കണ്ടു. ബുധനാഴ്ച രാവിലെയാണ് മൃതദേഹം ചെളിയില്‍ പൂണ്ടനിലയില്‍ കണ്ടത്.
മരണത്തില്‍ ബന്ധുക്കള്‍ സംശയം പ്രകടിപ്പിച്ചതോടെ മൃതദേഹം പോസ്റ്റുമോര്‍ട്ടത്തിനായി കോട്ടയം മെഡിക്കല്‍ കോളേജിലേക്ക് മാറ്റി. മറയൂര്‍ എസ്.ഐ. കെ.ടി. സേവ്യറിന്റെ നേതൃത്വത്തില്‍ നടപടികള്‍ പൂര്‍ത്തിയാക്കി അന്വേഷണം ആരംഭിച്ചു. ഭാര്യ: ഐയ്യമ്മ. മക്കള്‍: പിറവ, വിലില്‍, ബിബിത.

എസ്.ദാമോദരന്‍
ഉദയനാപുരം: നേരേകടവ് തോട്ടുചിറയില്‍ എസ്.ദാമോദരന്‍(65) അന്തരിച്ചു. ഭാര്യ: ശാന്തകുമാരി. മക്കള്‍: അനീഷ്, ഹരീഷ്. മരുമകള്‍: സുനിത.

ലീല
തലയാഴം: കൂവം പട്ടാംപറമ്പില്‍ പരേതനായ കുമാരന്റെ ഭാര്യ ലീല(59) അന്തരിച്ചു. മക്കള്‍: റെജി, സുധീര്‍. മരുമക്കള്‍: അംബിക, മഞ്ജു.

അച്ചാമ്മ വര്‍ഗീസ്
കോത്തല: പുത്തന്‍കണ്ടത്തില്‍ വര്‍ഗീസിന്റെ ഭാര്യ അച്ചാമ്മ വര്‍ഗീസ് (74) അന്തരിച്ചു. മക്കള്‍: കുഞ്ഞമ്മ, ബാബു(സീനിയര്‍ മാനേജര്‍, എസ്.ബി.ടി., ചേര്‍ത്തല), രാജു(പോസ്റ്റുമാസ്റ്റര്‍, കോത്തല), സാലിക്കുട്ടി. മരുമക്കള്‍: പരേതനായ ജേക്കബ്(കെ.എസ്.ആര്‍.ടി.സി., ചങ്ങനാശ്ശേരി), ഷാജി തോമസ്, പൊന്നമ്മ ബാബു, സാലി രാജു. ശവസംസ്‌കാരം വെള്ളിയാഴ്ച 11.30ന് കോത്തല സെന്റ് മേരീസ് സി.എസ്.ഐ. പള്ളി സെമിത്തേരിയില്‍.

ജോസ്
അരീക്കര: പാണ്ടിക്കാട്ടുതടത്തില്‍(നെല്ലാമറ്റത്തില്‍) ചുമ്മാറിന്റെ മകന്‍ ജോസ്(62) അന്തരിച്ചു. ഭാര്യ: മേരി ചീങ്കല്ലേല്‍ ആലുങ്കല്‍ കുടുംബാംഗം. ശവസംസ്‌കാരം വ്യാഴാഴ്ച രാവിലെ 9.30ന് അരീക്കര സെന്റ് റോക്കീസ് പള്ളി സെമിത്തേരിയില്‍.

ശാമുവല്‍
വകയാര്‍: ചോലനില്‍ക്കുന്നതില്‍ അഭിലാഷ് ഭവനില്‍ ശാമുവല്‍(81) അന്തരിച്ചു. ഭാര്യ: മേരി ശാമുവല്‍. മക്കള്‍: ജോണ്‍ ശാമുവല്‍, മാത്യു ശാമുവല്‍, എബ്രഹാം ശാമുവല്‍, ഷേര്‍ളി ബാബു, ഷീലാ ജോണ്‍. മരുമക്കള്‍: സൂസന്‍ ജോണ്‍, ലിസി മാത്യു, മിനി എബ്രഹാം, ബാബു, ജോണ്‍. ശവസംസ്‌കാരം പിന്നീട്.

സ്‌കറിയാച്ചന്‍
ഇടുക്കി: കഞ്ഞിക്കുഴി ഞാവള്ളിയില്‍ സ്‌കറിയാച്ചന്‍(72) അന്തരിച്ചു. ഭാര്യ: പെണ്ണമ്മ ഇലഞ്ഞിക്കല്‍ കുഴിക്കൊമ്പില്‍ കുടുംബാംഗം. മക്കള്‍: മിനി, ഷൈനി, മനോജ്, സിനി. മരുമക്കള്‍: വില്‍സന്‍, ജോണി, പ്രിയാമ്മ, ജൂബി.