ചരമം

തൊടുപുഴ ഈസ്റ്റ്: ഇടുക്കി ജില്ലാ സഹകരണ ബാങ്ക് റിട്ട.അസിസ്റ്റന്റ് ജനറല്‍ മാനേജര്‍ കടുകമ്മാക്കല്‍ കെ.എ.ജോര്‍ജിന്റെ ഭാര്യ ഏലിയാമ്മ (പെണ്ണമ്മ-74) അന്തരിച്ചു. പരേത പാലാ കവീക്കുന്നു വെട്ടുകാട്ടില്‍ കുടുംബാംഗമാണ്. മക്കള്‍: സോളി, ജയ്‌മോള്‍, ജയേഷ്. മരുമക്കള്‍: ജെയിംസ് കോണിക്കല്‍ (ചീനിക്കുഴി), തോമസുകുട്ടി ഉണ്ണിയാംപറമ്പില്‍ (കാഞ്ഞിരപ്പള്ളി), റീനു നടുവത്താനിയില്‍ (എരുമേലി). ശവസംസ്‌കാരം വെള്ളിയാഴ്ച രാവിലെ 10.30-ന് തുടങ്ങനാട് സെന്റ് തോമസ് ഫൊറോന പള്ളി സെമിത്തേരിയില്‍.

മറയൂര്‍: ജീപ്പും ഓട്ടോയും കൂട്ടിയിടിച്ച് പരിക്കേറ്റ ഓട്ടോ യാത്രക്കാരന്‍ ചികിത്സയ്ക്കിടയില്‍ മരിച്ചു. കാന്തല്ലൂര്‍ പഞ്ചായത്ത് കീഴാന്തൂര്‍ ഗ്രാമസ്വദേശി കാമരാജിന്റെയും പെരുമലയമ്മയുടെയും മകന്‍ കെ.കെ.ഗണേശനാ(53)ണ് കോയമ്പത്തൂര്‍ മെഡിക്കല്‍ കോളേജ് ആശുപത്രിയില്‍ വ്യാഴാഴ്ച പുലര്‍ച്ചെ മരിച്ചത്. മേയ് 20-ന് ഉച്ചയ്ക്ക് 12.45-നാണ് കോവില്‍ക്കടവ് പത്തടിപാലത്തില്‍വെച്ച് അപകടം ഉണ്ടായത്. കോവില്‍ക്കടവില്‍ നടക്കുന്ന ബന്ധുവിന്റെ വിവാഹത്തില്‍ പങ്കെടുക്കുവാന്‍ കുടുംബാംഗങ്ങളോടൊപ്പം ഓട്ടോറിക്ഷയില്‍ വന്നതാണ്. കോവില്‍ക്കടവില്‍നിന്ന് വന്ന ജീപ്പുമായി കൂട്ടിയിടിച്ച് ഓട്ടോറിക്ഷയില്‍ ഉണ്ടായിരുന്ന നാലുപേര്‍ക്ക് പരിക്കേറ്റു. ഗണേശന്റെ മരുമകള്‍ ഈശ്വരിക്കും പരിക്കേറ്റു. ഗുരുതരമായി പരിക്കേറ്റ ഗണേശനെ കോയമ്പത്തൂരിലേക്കും ഓട്ടോ ഡ്രൈവര്‍ ബാലസുബ്രഹ്മണ്യനെ അടിമാലി താലൂക്ക് ആശുപത്രിയിലും പ്രവേശിപ്പിച്ചു. വയറ്റില്‍ ഗുരുതര പരിക്കേറ്റ ഗണേശന്‍ വ്യാഴാഴ്ച പുലര്‍ച്ചെ മരിച്ചു. ഭാര്യ അയ്യമ്മ, മക്കള്‍ വേലുസ്വാമി, ലക്ഷ്മണന്‍. മരുമകള്‍. ഈശ്വരി. സഹോദരങ്ങള്‍: ആര്യമാല, കാര്‍ത്തിക, അരുവിക്കനി.

അടിമാലി: കൂന്പന്‍പാറ ഓടയ്ക്കാസിറ്റി പാറപ്പാട്ട് പി.എ.മാത്യു(ഉപദേശി-92) അന്തരിച്ചു. ഭാര്യ: റാന്നി വെട്ടുനിരവില്‍ പരേതയായ തങ്കമ്മ. മക്കള്‍: എബ്രഹാം, വര്‍ഗീസ്, അന്നമ്മ, സൂസമ്മ, േഗ്രസി, വത്സമ്മ. മരുമക്കള്‍: അന്നക്കുട്ടി, സൂസമ്മ, മാത്യു, പോള്‍, സെബാസ്റ്റ്യന്‍, ജോയി. ശവസംസ്‌കാരം വെള്ളിയാഴ്ച മൂന്നിന് ഇരുന്നൂറേക്കര്‍ ഇവാഞ്ചലിക്കല്‍ പള്ളി സെമിത്തേരിയില്‍.

തൊടുപുഴ: വീടിനുള്ളില്‍ കുഴഞ്ഞുവീണ യുവാവ് ആശുപത്രിയിലേക്കുള്ള വഴിമധ്യേ മരിച്ചു. തിരുവനന്തപുരം കമലേശ്വരം ബിജുമന്ദിരത്തില്‍ ബാബുവിന്റെയും രമണിയുടെയും മകന്‍ ബിജു ബാബു(38) വാണ് മരിച്ചത്.
ബുധനാഴ്ച പകല്‍ പതിനൊന്നോടെ തൊടുപുഴ ഉടുമ്പന്നൂരിലുള്ള ഭാര്യവീട്ടില്‍ കുഴഞ്ഞുവീണ ബിജുവിനെ ഭാര്യയും ബന്ധുക്കളും ചേര്‍ന്ന് മുതലക്കോടത്തെ സ്വകാര്യ ആശുപത്രിയിലേക്ക് കൊണ്ടുപോയെങ്കിലും രക്ഷിക്കാനായില്ല. തൊടുപുഴ അച്ചന്‍കവലയില്‍ 'മോട്രോണിക്‌സ് കാര്‍' എന്ന സ്ഥാപനം നടത്തിവരികയായിരുന്ന ബിജു ഉടുമ്പന്നൂരിലെ ഭാര്യവീട്ടിലാണ് താമസിച്ചിരുന്നത്.
മൃതദേഹം പോസ്റ്റുമോര്‍ട്ടത്തിനുശേഷം തിരുവനന്തപുരത്തെ വീട്ടിലേക്ക് കൊണ്ടുപോയി. ശവസംസ്‌കാരം വ്യാഴാഴ്ച രണ്ടിന് വീട്ടുവളപ്പില്‍. സി.പി.എം. ചീനിക്കുഴി ലോക്കല്‍ കമ്മിറ്റിയംഗം ഉടുമ്പന്നൂര്‍ കലൂര്‍ വീട്ടില്‍ ശോഭന(റിട്ട. ടീച്ചര്‍, പെരിങ്ങാശ്ശേരി ഗവ. എച്ച്.എസ്.എസ്.) യുടെ മകള്‍ അഞ്ജനയാണ് ഭാര്യ. മക്കള്‍: ആര്യന്‍, ആരുഷ്.

കട്ടപ്പന: ശ്രീലക്ഷ്മി ഹോട്ടല്‍ ഉടമ പാറക്കടവ് നെടിയപാലക്കല്‍ രാജപ്പന്‍(74) അന്തരിച്ചു. ഭാര്യ: സരസമ്മ കട്ടപ്പന തകിടിയേല്‍ കുടുംബാംഗം. മക്കള്‍: സുരേഷ്, അനില്‍, അനിത. മരുമക്കള്‍: മിനി, അജി, പ്രിയ. ശവസംസ്‌കാരം വ്യാഴാഴ്ച ഉച്ചകഴിഞ്ഞ് രണ്ടിന് വീട്ടുവളപ്പില്‍.

തൊടുപുഴ: മിക്‌സര്‍ യൂണിറ്റുമായി പോയ ജീപ്പില്‍ പുറകില്‍നിന്ന് ടിപ്പര്‍ ഇടിച്ചുണ്ടായ അപകടത്തില്‍ പശ്ചിമബംഗാള്‍ സ്വദേശിയായ തൊഴിലാളി മരിച്ചു. ഏഴു തൊഴിലാളികള്‍ക്ക് പരിക്കേറ്റു. അപകടത്തിനിടയാക്കിയ ടിപ്പര്‍ നിര്‍ത്താതെ പോയി. പരിക്കേറ്റവരില്‍ ആറുപേരും പശ്ചിമബംഗാള്‍ സ്വദേശികളാണ്. ബുധനാഴ്ച രാവിലെ ഏഴരയോടെ കല്ലൂര്‍ക്കാടിന് സമീപം പെരുമാംകണ്ടത്താണ് അപകടം.
പശ്ചിമബംഗാള്‍ ബിലാസ്​പുര്‍ സ്വദേശിയായ മാഫിക്കുള്‍ മണ്ഡല്‍(29) ആണ് മരിച്ചത്. സോമറുള്‍ ഇസ്ലാം, സഹില്‍ മണ്ഡല്‍, സോഡില്‍, മജീദുള്‍, പി.ആര്‍.ഉള്‍, റൂബല്‍ എന്നിവര്‍ക്കും മലയാളിയായ ഡ്രൈവര്‍ കരിങ്കുന്നം പാറടിയില്‍ ജസ്വിന്‍(22) എന്നയാള്‍ക്കുമാണ് പരിക്കേറ്റത്. ഇവരെ തൊടുപുഴയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
കല്ലൂര്‍ക്കാട് കോണ്‍ക്രീറ്റ് ജോലിക്കായി പെരുമാംകണ്ടം കോര്‍ട്ട് റോഡിലൂടെ പോയ ജീപ്പിന് പുറകില്‍ ടിപ്പര്‍ ഇടിക്കുകയായിരുന്നു. നിയന്ത്രണം വിട്ട മിക്‌സര്‍ മെഷീന്‍ ഘടിപ്പിച്ച ജീപ്പ് സമീപത്തെ ആഴമുള്ള കൈത്തോട്ടിലേക്ക് മറിഞ്ഞാണ് അപകടം. ജീപ്പിന്റെയും മിക്‌സര്‍ യൂണിറ്റിന്റെയും അടിയില്‍പ്പെട്ട മാഫിക്കുള്‍ തല്‍ക്ഷണം മരിച്ചു.
കല്ലൂര്‍ക്കാട്, തൊടുപുഴ എന്നിവിടങ്ങളില്‍നിന്നെത്തിയ പോലീസും അയല്‍വാസികളും ചേര്‍ന്നാണ് രക്ഷാപ്രവര്‍ത്തനം നടത്തിയത്. അതുവഴി വന്ന ഹിറ്റാച്ചി ഉപയോഗിച്ച് വാഹനം കരയ്ക്ക് കയറ്റിയാണ് പരിക്കേറ്റവരെ ആശുപത്രിയിലെത്തിച്ചത്. മരിച്ച മാഫിക്കുളിന്റെ മൃതദേഹം തൊടുപുഴ അല്‍-അസ്ഹര്‍ മെഡിക്കല്‍ കോളേജില്‍ സൂക്ഷിച്ചിരിക്കുകയാണ്. നിര്‍ത്താതെ പോയ ടിപ്പറിനെക്കുറിച്ച് അന്വേഷണം ആരംഭിച്ചതായി കല്ലൂര്‍ക്കാട് പോലീസ് അറിയിച്ചു.