ആരോഗ്യം   ഒരാളുടെ ജീവിതത്തിലെ വളരെ പ്രധാനപ്പെട്ട കാര്യമാണ്. പലപ്പോഴും നമ്മളറിയാതെ തന്നെ നമ്മുടെ ആരോഗ്യം നഷ്ടപ്പെടുന്നുണ്ട്. വളരെ ചെറുതെന്ന് കരുതി ഒഴിവാക്കുന്ന കാര്യങ്ങളിലൂടെ ഒരു പക്ഷേ നിങ്ങളുടെ ജീവൻ തന്നെ അപകടത്തിലായേക്കാം. ഇത് എന്തൊക്കെയാണെന്ന് അറിയാം

അമിത മദ്യപാനം

alcohol

മദ്യപാനം ആരോഗ്യത്തെ നശിപ്പിക്കും എന്നത് എല്ലാവര്‍ക്കും അറിയാവുന്നതാണ്. എന്നാലും 
മിക്കപ്പോഴും നാം അത് അവഗണിക്കുകയാണ് ചെയ്യാറുള്ളത്.
 മദ്യപാനത്തിലൂടെ  തലച്ചോറിന്റെ പ്രവര്‍ത്തനം മന്ദീഭവിക്കുകയും,  ഏകാഗ്രത കുറയുകയും ചെയ്യുന്നു. ഒപ്പം ഉറക്കകുറവിനും മദ്യപാനം കാരണമാകുന്നു. അത് ഗുരുതരമായ ആരോഗ്യ പ്രശ്നങ്ങൾക്ക് വഴിവെക്കുന്നു.

വെെകിയുള്ള ഉറക്കം

sleep

വെെകി ഉറങ്ങുന്നവര്‍ക്ക് നേരത്തെ ഉറങ്ങുന്നവരേക്കാൾ മാനസിക പിരിമുറുക്കം കൂടുതലായിരിക്കുമെന്ന് പഠനങ്ങളുണ്ട്. വെെകി ഉറങ്ങുന്നത് ഉറക്ക ക്ഷീണത്തിന് കാരണമാകും. ദീര്‍ഘനാൾ വെെകി ഉറങ്ങുന്നവര്‍ക്ക്  ക്രമേണ ഉറക്കം നഷ്ടപ്പെടാൻ സാധ്യതയുണ്ട്. ഇത് ശാരീരിക മാനസിക ആരോഗ്യത്തെ ദോഷകരമായി ബാധിക്കും

ദീര്‍ഘ യാത്രകൾ

trip

എല്ലാദിവസവും ഒാഫീസിലേക്കും, കോളേജിലേക്കും, ബിസിനസ് ആവശ്യങ്ങൾക്കുമൊക്കെയായി ദീര്‍ഘദൂര യാത്രകൾ ചെയ്യുന്നവരാണ് നമ്മൾ. ദീര്‍ഘ യാത്രകൾ ശരീരത്തിന് ഏറെ ആയാസകരമാണ് ഇത് ശാരീരികവും മാനസികവുമായ തളര്‍ച്ചക്ക് വഴിവെക്കും.

തെറ്റായ ഭക്ഷണശീലങ്ങൾ

food

ആരോഗ്യം നോക്കി ഭക്ഷണം കഴിക്കണം എന്നത് നമുക്ക് പുതിയ അറിവല്ല. അനാരോഗ്യകരമായ ഭക്ഷണ ശീലങ്ങൾ രോഗങ്ങളെ വിളിച്ചു വരുത്തുകയാണ് ചെയ്യുന്നത്.