Home>Kids Health>Common Diseases
FONT SIZE:AA

വയറിളക്കം

ഡോ.എസ്. ലത

വയറിളക്കമാണ് മറ്റൊരു പ്രശ്‌നം. പലപ്പോഴും രണ്ടുവയസ്സില്‍ താഴെ പ്രായമുള്ള കുഞ്ഞുങ്ങള്‍ക്കാണ് വയറിളക്കം കൂടുതല്‍ ഉണ്ടാകാറുള്ളത്. ആറുമാസം വരെ കുഞ്ഞുങ്ങള്‍ക്ക് മുലപ്പാല്‍ മാത്രമേ നല്‍കാവൂ. അതു കഴിഞ്ഞാല്‍ മുലപ്പാലിനൊപ്പം കട്ടിയാഹാരവും നല്‍കിത്തുടങ്ങണം. കുറുക്കുകള്‍ വേണം ആദ്യം നല്‍കിത്തുടങ്ങാന്‍. മുലകുടിക്കുന്ന കുഞ്ഞുങ്ങള്‍ക്ക് മറ്റു പാലുകള്‍ നല്‍കേണ്ട ആവശ്യമില്ല. ഇപ്രകാരമാണ് കുഞ്ഞുങ്ങളുടെ ആഹാരരീതിയെങ്കില്‍ അവര്‍ക്ക് വയറിളക്കം വരാന്‍ സാധ്യത കുറവാണ്. പരിസര ശുചിത്വവും വ്യക്തിശുചിത്വവും വളരെ പ്രധാനമാണ്.

വയറിളക്കം വന്നാലും പേടിക്കേണ്ട കാര്യമില്ല. ശരീരത്തില്‍നിന്നും നഷ്ടപ്പെടുന്ന ജലവും ലവണങ്ങളും തിരികെ നല്‍കുകയെന്നതാണ് പ്രധാനം. അതിന് ശരീരത്തില്‍ നിന്നും നഷ്ടപ്പെടുന്നതിനനുസരണമായി ഒ.ആര്‍.എസ്. (ഓറല്‍ റീഹൈഡ്രേഷന്‍ സാള്‍ട്ട്) ലായനിയോ മറ്റു പാനീയങ്ങളോ നല്‍കണം. (ഉദാ: കഞ്ഞിവെള്ളം, നാരങ്ങാവെള്ളം, മോര്)

കുഞ്ഞിന്റെ തൂക്കത്തിനനുസരിച്ച് ഒരു കിലോ തൂക്കത്തിന് 10 മില്ലിലിറ്റര്‍ എന്നകണക്കില്‍ വേണം ഓരോ പ്രാവശ്യവും വയറിളകിക്കഴിയുമ്പോള്‍ ദ്രാവകങ്ങള്‍ നല്‍കാന്‍. (ഉദാ: 10 കിലോ ഭാരമുള്ള കുഞ്ഞിന് 100 മില്ലി.) ഈ വെള്ളം ഒന്നിച്ച്, ഒറ്റയടിക്ക് നല്‍കരുത്. ഒരു സ്പൂണ്‍ ഉപയോഗിച്ച് 5 10 മില്ലി വീതം 23 മിനിറ്റ് ഇടവിട്ട് നല്‍കണം. ഒരു മണിക്കൂറില്‍ മൂന്നിലേറെ പ്രാവശ്യം വയറിളകുകയോ ഛര്‍ദ്ദിക്കുകയോ ചെയ്താല്‍, കടുത്ത പനിയുണ്ടെങ്കില്‍, കുഞ്ഞ് ഒന്നുംതന്നെ കഴിക്കുന്നില്ല എങ്കില്‍ ഉടനെ ഡോക്ടറെ കാണിക്കണം
Tags- Diarrhea