Home>Kids Health>Common Diseases
FONT SIZE:AA

വില്ലന്‍ചുമ

ഡോ. വി.കെ ശ്രീനിവാസന്‍

ഒരിനം ബാക്ടീരിയ ആണ് ഈ രോഗത്തിനു കാരണം. ജനനാനന്തരം ഏതു വയസ്സിലും കുട്ടികളെ ബാധിക്കുന്ന ഒരു രോഗമാണിത്. പക്ഷേ, രണ്ടു വയസ്സിനു താഴെയുള്ള കുട്ടികളില്‍ ഈ രോഗം വളരെ അപകടകാരിയാണ്. സാധാരണ ജലദോഷം പോലെ തുടങ്ങുന്ന ഈ രോഗം രണ്ടാഴ്ചക്കകം അസഹ്യമായ ചുമയും ചുമയ്ക്കു ശേഷമുള്ള വലിവും ഛര്‍ദ്ദിയും ഉണ്ടാക്കുന്നു.

തുടക്കത്തില്‍ തന്നെ ചികിത്സിച്ചില്ലെങ്കില്‍ ചുമ മൂന്നുമാസം നീണ്ടുനില്‍ക്കും. അഞ്ചു വയസ്സിനു മുകളിലുള്ള കുട്ടികളിലും കുത്തിവെപ്പ് ലഭിച്ച കുട്ടികളിലും വലിവ് ഉണ്ടായെന്നു വരില്ല. ചുമയുടെ കാഠിന്യം കൊണ്ടും തുടര്‍ച്ചയായ ഛര്‍ദ്ദി കൊണ്ടുമാണ് കുട്ടി ക്ഷീണിക്കുന്നത്. ഒരു ചുമ നിന്നാലുടന്‍ ദ്രവരൂപത്തിലുള്ള ഭക്ഷണം നല്‍കിയാല്‍ ശരീരത്തിനനുഭവപ്പെടുന്ന പോഷകമൂല്യങ്ങളുടെ കുറവ് നികത്താനാവും.

പ്രതിരോധ കുത്തിവെപ്പ് ലഭിക്കാത്ത കുട്ടികളെയാണ് സാധാരണ ഈ രോഗം പിടിപെടുന്നത്. എറിത്രോമൈസിന്‍ ഇനത്തില്‍പ്പെട്ട ആന്‍റിബയോട്ടിക്കുകള്‍ ആരംഭത്തില്‍ തന്നെ കൊടുത്താല്‍ രോഗത്തിന്റെ കാഠിന്യം കുറയ്ക്കാനാകും.
Tags- Cough