ദുബായ്: മിഡിലീസ്റ്റ് ഫിലിം ആന്‍ഡ് കോമികോണ്‍ (മെഫ്ക്) മേളയില്‍ തീര്‍ത്ത സ്റ്റെന്‍സിലിന് ലോക റെക്കോഡ്. യു.എ.ഇ. ഗ്രാഫിറ്റിയുടെ സഹായത്തോടെ ഐകോണിക്‌സ്, പ്രോവാള്‍സ് എന്നിവ ചേര്‍ന്ന് ഒരുക്കിയ കലാസൃഷ്ടി ലോകത്തിലെ ഏറ്റവും വലിയ സ്റ്റെന്‍സില്‍ എന്ന റെക്കോഡാണ് സ്വന്തമാക്കിയത്.

യു.എ.ഇ.യില്‍നിന്നുള്ള ആകാശക്കാഴ്ചകളാണ് സ്റ്റെന്‍സിലിലൂടെ ആവിഷ്‌കരിച്ചത്. പ്രോവാള്‍സിലെ രണ്ട് കലാകാരന്മാരും യു.എ.ഇ. ഗ്രാഫിറ്റി ഗ്രൂപ്പിലെ രണ്ടുപേരും ചേര്‍ന്നാണ് 11.13 സ്‌ക്വയര്‍മീറ്റര്‍ കലാരൂപം ഒരുക്കിയത്. എയര്‍ ബ്രഷ്, സ്‌പ്രേ ഗണ്‍, ലേസര്‍ കട്ട്‌സ്റ്റെന്‍സിലുകള്‍ തുടങ്ങിയവ ഉപയോഗിച്ചു.
 
ആദ്യമായാണ് മെഫ്ക് ഗിന്നസ് റെക്കോഡ് നേട്ടത്തിന് വേദിയൊരുക്കുന്നത്. പ്രോവാള്‍സ് നേരത്തെയും ഇത്തരത്തില്‍ കലാസൃഷ്ടികളിലൂടെ ഗിന്നസ് റെക്കോഡുകള്‍ ഭേദിച്ചിട്ടുണ്ട്.