മൂവാറ്റുപുഴ: ദേശീയപാതയില്‍ ഓടിക്കൊണ്ടിരുന്ന കാറിന് തീപിടിച്ചു. കാറ് പൂര്‍ണമായും കത്തിനശിച്ചു. കോതമംഗലം പാനിപ്ര കുറ്റിച്ചിറ കെ.എം.ഹമീദിന്റെ കാറാണ് കത്തിയത്.വ്യാഴാഴ്ച രാത്രി 12.30ഓടെ പെരുമറ്റം - കക്കടാശ്ശേരി പാലത്തിന് സമീപമാണ് സംഭവം. ആളപായമില്ല.

പുക ഉയരുന്നതായി സംശയം തോന്നിയതിനെ തുടര്‍ന്ന് ഹമീദ് കാര്‍ നിര്‍ത്തി. വാഹനത്തിന്റെ രേഖകള്‍ എടുത്ത് പുറത്തിറങ്ങിയെന്നും ഉടന്‍ തീ ആളിക്കത്തുകയായിരുന്നുവെന്നും പറയുന്നു. സമീപവാസികള്‍ ഓടിക്കൂടി. ഫയര്‍ഫോഴ്‌സ് എത്തി തീയണച്ചു. കാറ് പാടേ കത്തിപ്പോയി.