TopGear1
TopGear2
ഇ.വികള്‍ പരിസ്ഥിതി സംരക്ഷിക്കുമോ ?
Posted on: 29 Jan 2013
സന്ദീപ് സുധാകര്‍

ഇന്ധനവില അടിക്കടി ഉയരുന്ന ഇക്കാലത്ത് ഒരു വൈദ്യുതകാര്‍ വാങ്ങാന്‍ ആഗ്രഹിക്കാത്തവര്‍ ആരുണ്ട്. എന്നാല്‍ വില കേള്‍ക്കുമ്പോള്‍തന്നെ പലരുടെയും വൈദ്യുതകാര്‍ പ്രണയം അവസാനിക്കും. ഇന്ത്യന്‍ വിപണിയിലുള്ള രണ്ടുപേര്‍ക്ക് യാത്രചെയ്യാന്‍ കഴിയുന്ന കുഞ്ഞന്‍ വൈദ്യുതകാര്‍ വാങ്ങുന്ന പണമുണ്ടെങ്കില്‍ അഞ്ചുപേര്‍ക്ക് യാത്രചെയ്യാവുന്ന ഇടത്തരം പെട്രോള്‍ ഹാച്ച്ബാക്ക് വാങ്ങാം. ബാറ്ററിയുടെ ആയുസ് എത്രനാള്‍ എന്നത് മറ്റൊരു വിഷയം. എന്നാല്‍ വൈദ്യുതകാറുകളുടെ പ്രാധാന്യം തിരിച്ചറിയുന്നവര്‍ വൈദ്യുതകാര്‍ വാങ്ങുകതന്നെ ചെയ്യും.

പരിസ്ഥിതി മലിനീകരിക്കില്ല എന്നതാണ് വൈദ്യുത കാറുകളുടെ പ്രധാന സവിശേഷത. അതിനാല്‍ പരിസ്ഥിതി സംരക്ഷിക്കുന്ന വൈദ്യുത കാറുകള്‍ക്ക് സബ്‌സിഡിയും ആനുകൂല്യങ്ങളും നല്‍കണമെന്നാണ് നിര്‍മ്മാതാക്കള്‍ ഭരണകര്‍ത്താക്കളോട് ആവശ്യപ്പെടുന്നത്. യഥാര്‍ത്ഥത്തില്‍ പെട്രോള്‍, ഡീസല്‍ കാറുകളേക്കാള്‍ പരിസ്ഥിതി മലിനീകരണം കുറഞ്ഞയാണോ ഇലക്ട്രിക്ക് കാറുകള്‍? അല്ലൊണ് നോര്‍വീജിയന്‍ യൂണിവേഴ്‌സിറ്റി ഓഫ് സയന്‍സ് ആന്‍ഡ് ടെക്ക്‌നോളജി പുറത്തുവിട്ട പഠനം വ്യക്തമാക്കുത്.

ഇലക്ട്രിക്ക് കാറുകള്‍ ചാര്‍ജ്ജ് ചെയ്യുതിനായി വൈദ്യുതി ഉത്പാദിപ്പിക്കുന്നിടത്തന്നെ മലിനീകരണം തുടങ്ങുന്നുവെന്ന് ഗവേഷകര്‍ ചൂണ്ടിക്കാട്ടുന്നു. വൈദ്യുതി ഉത്പാദനത്തിന് കല്‍ക്കരിയാണ് ഉപയോഗിക്കുതെങ്കില്‍ മലിനീകരണം ഉറപ്പ്. മറ്റുകാര്‍ നിര്‍മാണശാലകളെ അപേക്ഷിച്ച് വൈദ്യുത കാറുകളുടെ നിര്‍മാണ പ്ലാന്റുകളും കൂടുതല്‍ മലിനീകരണമുണ്ടാക്കുവയാണെും പഠനത്തില്‍ പറയുന്നു.



ഇലക്ട്രിക്ക് കാറുകളുടെയും സാധാരണ കാറുകളുടെയും മുഴുവന്‍ ജീവിതചക്രവും പ്രൊഫസര്‍ ആന്‍ഡേഴ്‌സ് ഹാമ്മര്‍ സ്‌ട്രോമാന്റെ കീഴിലെ ഗവേഷണ സംഘം പഠന വിധേയമാക്കി. വൈദ്യുത കാറുകളുടെ നിര്‍മ്മാണം മറ്റുകാറുകളുടെ നിര്‍മാണത്തെ അപേക്ഷിച്ച് കൂടുതല്‍ മലിനീകരണമുണ്ടാക്കുന്നു. ഇലക്ട്രിക്ക് കാറുകളില്‍ ഉപയോഗിക്കു ബാറ്ററികളുടെ നിര്‍മാണത്തിന് ഉപയോഗിക്കു നിക്കല്‍, ചെമ്പ്, അലുമിനിയം എ ധാതുക്കള്‍ വിഷമയമാണെും പഠന റിപ്പോര്‍ട്ടില്‍ സൂചിപ്പിക്കുന്നു.

അമ്ലമഴ, പുകനിറഞ്ഞ മഞ്ഞ് എന്നിവ അടക്കമുള്ള പാരിസ്ഥിതിക പ്രശ്‌നങ്ങള്‍ക്ക് പെട്രോള്‍, ഡീസല്‍ കാറുകളുണ്ടാക്കുന്ന മലിനീകരണം കാരണമാവുന്നുണ്ട്. ഇലക്ട്രിക്ക് കാറുകളുണ്ടാക്കുന്ന മലിനീകരണവും ഇക്കാര്യത്തില്‍ വ്യത്യസ്ഥമല്ല. ചുരുങ്ങിയ കാലയളവിനുള്ളില്‍ തന്നെ ഇലക്ട്രിക്ക് കാറുകള്‍ വലിയ പരിസ്ഥിതി മലിനീകരണം ഉണ്ടാക്കി കഴിഞ്ഞുവെന്നും പഠനത്തില്‍ വ്യക്തമായിട്ടുണ്ട്. വൈദ്യുതി ഉദ്പാദനത്തിന് സാധാരണ ഇന്ധനത്തെ തന്നെ ആശ്രയിക്കുന്ന മേഖലകളില്‍; ഇലക്ട്രിക്ക് കാറുകള്‍ ഉപയോഗിക്കുന്നത് വലിയ ഗുണം ചെയ്യില്ലെന്ന് മാത്രമല്ല, കൂടുതല്‍ പ്രശ്‌നങ്ങളുണ്ടാക്കുകയും ചെയ്യും.



അതേസമയം, വൈദ്യുതി വിവിധ തരത്തില്‍ ഉത്പാദിപ്പിക്കുന്ന യൂറോപ്പ് പോലെയുള്ള മേഖലകളില്‍ ഇലക്ട്രിക്ക് കാറുകള്‍ ഉപയോഗിക്കുന്നത് ഒരു പരിധിവരെ ഗുണകരമായേക്കും. യൂറോപ്പില്‍ വൈദ്യുത ഉദ്പാദനത്തിന് വിവിധ രീതികള്‍ അവലംബിക്കുന്നതിനാലാണ് ഇത്. ബാറ്ററി എത്രകാലം കേടുകൂടാതെ നിലനില്‍ക്കും എതിനെ അപേക്ഷിച്ചാണ് ഇലക്ട്രിക്ക് കാറുകളുടെ ആയുസ്സ്. കാലം മാറുതോടൊപ്പം ബാറ്ററികളുടെ ഗുണ നിലവാരവും മെച്ചപ്പെടുന്ന സാഹചര്യത്തില്‍ ഇലക്ട്രിക്ക് കാറുകളുടെ ആയുസ്സും കൂടുമെന്ന് പ്രതീക്ഷിക്കാം. എന്നാല്‍, പെട്രോള്‍ എന്‍ജിനുകളും ഡിസല്‍ എന്‍ജിനുകളും കാലത്തിനനുസരിച്ച് നവീകരിക്കപ്പെട്ടാല്‍ അവയെ അപേക്ഷിച്ച് വൈദ്യുതകാറുകള്‍ക്ക് കാര്യമായ മെച്ചമുണ്ടാകാന്‍ ഇടയില്ല.

Print
SocialTwist Tell-a-Friend









Other stories in this section