TopGear1
ഐ 20 സെഡാന്‍ വരുന്നു
Posted on: 24 Dec 2012

ചെന്നൈ: പ്രീമിയം ഹാച്ച്ബാക്ക് ഐ 20 യുടെ സൈഡാന്‍ പതിപ്പ് കൊറിയന്‍ നിര്‍മ്മാതാക്കളായ ഹ്യുണ്ടായ് ഇന്ത്യന്‍ വിപണിയിലെത്തിക്കുന്നു. 2014 ല്‍ വാഹനം നിരത്തില്‍ ഇറങ്ങുമെന്നാണ് സൂചന. ഇന്ത്യന്‍ വിപണിയിലുള്ള ഹ്യുണ്ടായ് ആക്‌സന്റിന് പകരക്കാരനായാവും കാര്‍ വിപണിയില്‍ എത്തുക.



ഇന്‍ഡിഗോ സി.എസ്, പുതിയ സ്വിഫ്റ്റ് ഡിസയര്‍ എന്നിവയുടെ മാതൃകയിലുള്ള കോംപാക്ട് സെഡാനാവും ഇതെന്നാണ് സൂചന. നാലു മീറ്ററില്‍ താഴെയാവും കാറിന്റെ നീളം. നികുതി ഇളവിന്റെ ആനുകൂല്യം ഉപഭോക്താക്കള്‍ക്ക് കൈമാറാനാണ് നിര്‍മ്മാതാക്കള്‍ നാലുമീറ്ററില്‍ താഴെ നീളമുള്ള സെഡാനുകള്‍ വികസിപ്പിക്കുന്നത്.

പെട്രോള്‍, ഡീസല്‍ വകഭേദങ്ങളില്‍ ഐ 20 സെഡാന്‍ ലഭിക്കുമെന്നാണ് സൂചന. പെട്രോള്‍ എന്‍ജിനൊപ്പം അഞ്ചുസ്പീഡ് മാനുവല്‍ ഗിയര്‍ബോക്‌സും, ഡീസല്‍ എന്‍ജിനൊപ്പം ആറുസ്പീഡ് മാനുവല്‍ ഗിയര്‍ബോക്‌സും ആവും ഉണ്ടാവുക. പെട്രോള്‍ ഓട്ടോമാറ്റിക് വേരിയന്റും വിപണിയില്‍ എത്തുമെന്ന് സൂചനയുണ്ട്.
Print
SocialTwist Tell-a-Friend




Other stories in this section