TopGear1
മുഖംമിനുക്കിയ റിറ്റ്‌സും എ സ്റ്റാറും
Posted on: 06 Sep 2012

ന്യൂഡല്‍ഹി: ജനപ്രിയ ഹാച്ച്ബാക്ക് കാറായ റിറ്റ്‌സിന്റെ ഡീസല്‍ വേരിയന്റ് മാരുതി സുസുക്കി മുഖംമിനുക്കി ഇന്ത്യന്‍ വിപണിയില്‍ എത്തിച്ചു. 5.31 ലക്ഷം മുതല്‍ 6.23 ലക്ഷം വരെയാണ് ന്യൂഡല്‍ഹിയിലെ എക്‌സ് ഷോറൂംവില. യുവാക്കളെ ആകര്‍ഷിക്കാനാണ് ഡീസല്‍ റിറ്റ്‌സിന്റെ മുഖം മിനുക്കിയതെന്ന് മാരുതി സുസുക്കി വ്യക്തമാക്കുന്നു. അതിനിടെ ചെറുകാര്‍ എ സ്റ്റാറിന്റെ മുഖം മിനുക്കിയ പതിപ്പ് സുസുക്കി ചൈനയിലെ ഓട്ടോഷോയില്‍ അവതരിപ്പിച്ചു. നവീന എ സ്റ്റാര്‍ വൈകാതെ ഇന്ത്യന്‍ വിപണിയിലും എത്തിയേക്കും.



കാര്യമായ പുതുമകള്‍ ആദ്യകാഴ്ചയില്‍ ശ്രദ്ധയില്‍പ്പെടുകയില്ലെങ്കിലും 52 പുതുമകള്‍ റിറ്റ്‌സില്‍ മാരുതി കൊണ്ടുവന്നിട്ടുണ്ട്. കാറിന്റെ മുന്‍വശത്താണ് കാര്യമായ പുതുമകള്‍. ബോണറ്റിന്റെ ഉയരം കുറച്ച് കാര്യമായ രൂപമാറ്റം വരുത്തിയിട്ടുണ്ട്. ഹെഡ്‌ലാമ്പ്, റേഡിയേറ്റര്‍ ഗ്രില്‍, ഫോഗ് ലാമ്പുകള്‍ എന്നിവയിലെല്ലാം പുതുമകളുണ്ട്.



മള്‍ട്ടി ഇന്‍ഫര്‍മേഷന്‍ ഡിസ്‌പ്ലെയാണ് ഉള്‍വശത്തെ പുതുമ. ഡ്യുവല്‍ടോണ്‍ ഇന്റീരിയര്‍, യു.എസ്.ബി കണക്ടിവിറ്റിയുള്ള പുതിയ ഓഡിയോ സിസ്റ്റം, വൈദ്യുതികൊണ്ട് ക്രമീകരിക്കാവുന്ന റിയര്‍വ്യൂ മിററുകള്‍ എന്നിവയും മുഖംമിനുക്കിയ റിറ്റ്‌സിന്റെ സവിശേഷതകളാണ്. എന്‍ജിനില്‍ കാര്യമായ മാറ്റങ്ങളില്ല. എന്നാല്‍ പത്ത് ശതമാനം അധിക ഇന്ധനക്ഷമത പുതിയ റിറ്റ്‌സ് ഡീസല്‍ നല്‍കുമെന്ന് മാരുതി സുസുക്കി അവകാശപ്പെടുന്നു.

ഇന്ത്യന്‍ വിപണിയില്‍ എത്തിയ റിറ്റ്‌സില്‍നിന്ന് വ്യത്യസ്തമായി അകത്തും പുറത്തും നിരവധി പുതുമകളോടെയാണ് ചൈനയിലെ ഷെങ്ദു ഓട്ടോഷോയില്‍ സുസുക്കി മുഖംമിനുക്കിയ എ സ്റ്റാര്‍ അവതരിപ്പിച്ചത്. ഇന്ത്യന്‍ വിപണിയിലുള്ള ഐ ടെണ്ണിനോട് സാദൃശ്യമുണ്ട് ഈ കാറിന്. വലിയ എയര്‍ഡാം ഉള്‍പ്പെട്ട പുതുമയുള്ള മുന്‍ ബമ്പര്‍, രൂപമാറ്റം വരുത്തിയ ഹെഡ് ലാമ്പുകളും ഫോഗ് ലാമ്പും, നവീന റേഡിയേറ്റര്‍ ഗ്രില്‍ എന്നിവയാണ് കാഴ്ചയിലെ പുതുമകള്‍.
Print
SocialTwist Tell-a-Friend




Other stories in this section