TopGear1
TopGear2
ലിമിറ്റഡ് എഡിഷന്‍ വാഗണ്‍ ആര്‍ പ്രോ
Posted on: 24 Aug 2012

ന്യൂഡല്‍ഹി: വാഗണ്‍ ആറിന്റെ ലിമിറ്റഡ് എഡിഷന്‍ വേരിയന്റ് വാഗണ്‍ ആര്‍ പ്രോ മാരുതി സുസുക്കി വിപണിയില്‍ എത്തിച്ചു. 30,000 രൂപ വിലവരുന്ന അനുബന്ധ ഘടകങ്ങളും ആകര്‍ഷകമായ ബോഡി ഗ്രാഫിക്‌സുമാണ് ലിമിറ്റഡ് എഡിഷന്‍ കാറിന്റെ സവിശേഷതകള്‍. 4.50 ലക്ഷം രൂപയാണ് ന്യൂഡല്‍ഹിയിലെ ഓണ്‍റോഡ് വില.



യു.എസ്.ബി കണക്ടിവിറ്റിയുള്ള ഡബിള്‍ ഡിന്‍ സ്റ്റീരിയോ, നാലു സ്പീക്കറുകള്‍, ഫ്ലോര്‍ മാറ്റുകള്‍, റിയര്‍ സ്‌പോയ്‌ലര്‍, കാര്‍ പെര്‍ഫ്യൂം, ബംപര്‍ പ്രോട്ടക്ഷന്‍ റബര്‍ സ്ട്രിപ്പുകള്‍, വീല്‍ കവറുകള്‍, സൈഡ് മോള്‍ഡിങ്, ബോഡി ഗ്രാഫിക്‌സ്, സീറ്റ് കവറുകള്‍, സെക്യൂരിറ്റി സിസ്റ്റം, സ്റ്റിയറിങ് വീല്‍ കവര്‍, സ്‌പോയ്‌ലര്‍ പെയിന്റ് എന്നിവയാണ് കാറിന്റെ സവിശേഷതകള്‍. എല്‍.എക്‌സ്.ഐ - വി.എക്‌സ്.ഐ വേരിയന്റുകള്‍ക്ക് മധ്യത്തിലാണ് വാഗണ്‍ ആര്‍ പ്രോയുടെ സ്ഥാനം.



വാഹന പ്രേമികളെ വാഗണ്‍ ആറിലേക്ക് ആകര്‍ഷിക്കാനുള്ള മാരുതി സുസുക്കിയുടെ തന്ത്രങ്ങള്‍ ഇവയില്‍ ഒതുങ്ങുന്നില്ല. ഒരു 32 ഇഞ്ച് സോണി ബ്രാവിയ എല്‍.സി.ഡി ടെലിവിഷന്‍ വാഗണ്‍ ആര്‍ കാറുകള്‍ വാങ്ങുന്നവര്‍ക്ക് മാരുതി വാഗ്ദാനം ചെയ്യുന്നു. ടി.വി വേണ്ടാത്തവര്‍ക്ക് ഇതിന്റെ വിലയായ 22,000 രൂപ ഡിസ്‌കൗണ്ട് ലഭിക്കും. ടി.വി വേണ്ടെന്നുവച്ചാല്‍ 4.17 ലക്ഷം രൂപയ്ക്ക് (ഓണ്‍റോഡ് ന്യൂഡല്‍ഹി) വാഗണ്‍ ആര്‍ പ്രോ സ്വന്തമാക്കാം.
Print
SocialTwist Tell-a-Friend










Other stories in this section