TopGear1
സ്‌പെഷ്യല്‍ എഡിഷന്‍ എക്‌സ്.കെ.ആര്‍
Posted on: 02 Aug 2012



ന്യൂഡല്‍ഹി: സ്‌പോര്‍ട്‌സ് കാറായ എക്‌സ്.കെ.ആറിന്റെ സ്‌പെഷ്യല്‍ എഡിഷന്‍ വേരിയന്റ് ടാറ്റാ ഉടമസ്ഥതയിലുള്ള വാഹന ബ്രാണ്ടായ ജാഗ്വര്‍ ഇന്ത്യയില്‍ അവതരിപ്പിച്ചു. 1.27 കോടിയാണ് ന്യൂഡല്‍ഹിയിലെ എക്‌സ് ഷോറൂം വില. 20 ഇഞ്ച് അലോയ് വീലുകളും സെലസ്റ്റിയല്‍ ബ്ലാക്ക് കളര്‍ സ്‌കീമുമാണ് എക്‌സ്റ്റീരിയര്‍ സവിശേഷതകള്‍. എന്നാല്‍ സ്‌പെഷ്യല്‍ എഡിഷന്‍ എസ്.കെ ആറിന്റെ ഉള്ളില്‍ പുതുമകളേറെ.



ഇന്‍ട്രമെന്റ് പാനല്‍, സീറ്റുകള്‍, ഡോറുകള്‍, അപ്‌ഹോള്‍സ്റ്ററി, കാര്‍പെറ്റുകള്‍, ഡോര്‍ ഹാന്‍ഡില്‍ എന്നിവയിലെല്ലാം സ്‌പെഷ്യല്‍ എഡിഷന്‍ സവിശേഷതകളുണ്ട്. അഞ്ചുലിറ്റര്‍ ഡയറക്ട് ഇന്‍ജെക്ഷന്‍ വി ഏയ്റ്റ് എന്‍ജിന് മാറ്റമില്ല. 510 പി.എസ് പരമാവധി കരുത്തും 625 എന്‍.എം പരമാവധി ടോര്‍ക്കും പകരുന്നതാണ് ഈ എന്‍ജിന്‍. സിക്‌സ് സ്പീഡ് ഓട്ടോമാറ്റിക് ഗിയര്‍ബോക്‌സും സാധാരണ എക്‌സ്.കെ ആറിലേത് തന്നെ. 4.8 സെക്കന്‍ഡുകള്‍കൊണ്ട് കാര്‍ പൂജ്യത്തില്‍നിന്ന് മണിക്കൂറില്‍ നൂറുകിലോമീറ്റര്‍ വേഗത്തിലെത്തും. മണിക്കൂറില്‍ 250 കീലോമീറ്ററാണ് പരമാവധി വേഗം.
Print
SocialTwist Tell-a-Friend




Other stories in this section