TopGear1
TopGear2
നടന്‍ സിദ്ധിക്കിന് ഇഷ്ടനമ്പര്‍ ലഭിച്ചില്ല
Posted on: 24 Jul 2012

കാക്കനാട്: തന്റെ കാറിന് ഇഷ്ടനമ്പര്‍ നല്‍കാനുള്ള നടന്‍ സിദ്ധിക്കിന്റെ മോഹം പൂവണിഞ്ഞില്ല. തിങ്കളാഴ്ച രാവിലെപതിനൊന്ന് മണിക്ക് എറണാകുളം ആര്‍ടിഒ ഓഫീസില്‍ നടന്ന നമ്പര്‍ ലേലത്തില്‍ ഇഷ്ടനമ്പറായ കെ.എല്‍.07 ബി.വി. 777-നു വേണ്ടിയാണ് സിദ്ധിക്ക് പൊരുതി തോറ്റത്. തൃക്കാക്കര പളിയതാഴത്ത് വീട്ടില്‍ നസിം അസീസാണ് ഈ നമ്പര്‍ സ്വന്തമാക്കിയത്.

ദിവസങ്ങള്‍ക്കു മുന്‍പ് അമ്പതിനായിരം രൂപ ഫീസടച്ചാണ് ഇരുവരും ഈ നമ്പര്‍ ബുക്ക് ചെയ്തിരുന്നത്. ഒന്നില്‍ കൂടുതല്‍ മത്സരാര്‍ഥികള്‍ രംഗത്തെത്തിയതോടെയാണ് തിങ്കളാഴ്ച ലേലം സംഘടിപ്പിച്ചത്. രണ്ട് ലക്ഷം രൂപയ്ക്കാണ് കെഎല്‍07 ബി.വി. 777 നമ്പര്‍ നസീം സ്വന്തമാക്കിയതെന്ന് ആര്‍ടിഒ ടി.ജെ. തോമസ് പറഞ്ഞു. ആഴ്ചകള്‍ക്കു മുന്‍പ് ആര്‍ടിഒ ഓഫീസില്‍ നിന്ന് നടന്‍ ബാലചന്ദ്രമേനോനും ഇഷ്ട നമ്പര്‍ സ്വന്തമാക്കിയിരുന്നു. തന്റെ പുതിയ വാഹനത്തിന് കെ.എല്‍.07 ബി.ജി. 5544 എന്ന നമ്പറാണ് ഇദ്ദേഹം സ്വന്തമാക്കിയത്.

നടന്‍ ജയസൂര്യയും നിര്‍മാതാവ് ആന്‍റണി പെരുമ്പാവൂരും ഇഷ്ടനമ്പര്‍ സ്വന്തമാക്കിയത് കഴിഞ്ഞ മാസമായിരുന്നു. കെ.എല്‍.07- ബിടി 9791 എന്ന നമ്പറാണ് ജയസൂര്യയ്ക്ക് ലഭിച്ചത്. അതേസമയം കെഎല്‍07 ബിടി 9999 എന്ന നമ്പറാണ് ലേലത്തില്‍ കൂടി മത്സരിക്കാന്‍ ആളില്ലാത്തതിനെ തുടര്‍ന്ന് നിര്‍മാതാവായ ആന്‍റണി പെരുമ്പാവൂര്‍ കരസ്ഥമാക്കിത്. 50,000 രൂപയ്ക്കാണ് ആര്‍ടിഒ ഓഫീസില്‍ നിന്ന് ഇദ്ദേഹം ഈ നമ്പര്‍ സ്വന്തമാക്കിയത്.
Print
SocialTwist Tell-a-Friend




Other stories in this section