ആര്‍ക്കും നിര്‍മിക്കാം ഈ കൂണ്‍ വീടുകള്‍

വീടുകളുടെ ശൈലിയില്‍ എത്ര പുതുമകള്‍ വന്നാലും വീടുകളുടെ രൂപത്തെ പറ്റി എല്ലവരുടെയും മനസില്‍ ഏകദേശം ചില സങ്കല്‍പ്പങ്ങളൊക്കെ കാണും. പക്ഷേ എല്ലാ സങ്കല്‍പ്പങ്ങളും തകിടം മറിയ്ക്കുന്ന രീതിയിലും ലോകത്തിന്റെ പല ഭാഗത്തും പലരും വീടുകളും പടുത്തുയര്‍ത്തുന്നുണ്ട്.

ന്യൂയോര്‍ക്കിലെ പെരിന്‍ടണില്‍ ഒരു കൂണ്‍ വീടുണ്ട്. കൂണിന്റെ   അതേ മാതൃകയില്‍ നിര്‍മിച്ച വീട്. റോബര്‍ട്ട്, മാര്‍ഗരേറ്റ് ദമ്പതികള്‍ക്കായി കണ്ടമ്പററി ശൈലിയില്‍ ആണ് ഈ വീട് നിര്‍മിച്ചത്. കലാകാരന്മാരായ ഇവരുടെ വീട് നിര്‍മാണം തുടങ്ങി രണ്ട് വര്‍ഷത്തിന് ശേഷം 1972ലാണ് പൂര്‍ത്തിയാക്കിയത്. 

80 ടണ്‍ വരുന്ന നാല്  കൂണുകളുടെ മാതൃകയിലാണ് വീട് നിര്‍മിച്ചിരിക്കുന്നത്. ഓരോ കൂണിനും 9.1 മീറ്റര്‍ ആണ് ഉയരം.  ഇതില്‍ ഒന്ന് ഡൈനിങ്ങ് ഹാളായും അടുത്തത് അടുക്കളയായും. ബാക്കിയുള്ള രണ്ട് കൂണുകള്‍  ബെഡ് റൂം ആയും  ഉപയോഗിക്കുന്നു. ഈ രണ്ട് കൂണുകളിലുമായി മൂന്ന് ബെഡ്‌റൂമും മൂന്ന് ബാത്ത് റൂമും ഉണ്ട്. 

മൊത്തം 4168 സ്‌ക്വയര്‍ഫീറ്റാണ് വീടിന്റെ വിസ്തീര്‍ണം. ജെയിംസ് എച്ച് ജോണ്‍സന്‍ എന്ന ആര്‍ക്കിടെക്റ്റാണ് ഈ വീട് രൂപകല്‍പ്പന ചെയ്തത്.



View on mathrubhumi.com