ക്രെയിനപകടത്തില്‍ യുവാവ് മരിച്ചു
മുട്ടം: കരിംചിറ കിഴക്കതില്‍ സുജിത്ത് ഭവനത്തില്‍ സുഭാഷിന്റെയും രാധയുടെയും മകന്‍ സുജിത്ത് (കുഞ്ഞുവാവ-24) കര്‍ണാടകത്തിലെ ബെല്ലാരിയില്‍ ക്രെയിനപകടത്തില്‍ മരിച്ചു. മൂന്നുമാസം മുമ്പാണ് സുജിത്ത് ജോലിക്കുപോയത്. അടുത്ത ദിവസം നാട്ടില്‍ വരാനിരിക്കുകയായിരുന്നു. സഹോദരി: സുചിത്ര. ശവസംസ്‌കാരം ശനിയാഴ്ച 11ന് വീട്ടുവളപ്പില്‍.

മറിയക്കുട്ടി
പൂച്ചാക്കല്‍:തൈക്കാട്ടുശ്ശേരി പഞ്ചായത്ത് 13-ാംവാര്‍ഡില്‍ പുതുവല്‍നികര്‍ത്ത് മറിയക്കുട്ടി (73) അന്തരിച്ചു.

സെബാസ്റ്റ്യന്‍ വസ്ത്യാന്‍
മാരാരിക്കുളം: മാരാരിക്കുളം വടക്ക് പഞ്ചായത്ത് 17-ാം വാര്‍ഡില്‍ കാരക്കാട്ട് സെബാസ്റ്റ്യന്‍ വസ്ത്യാന്‍(66) അന്തരിച്ചു. ഭാര്യ: മേരി. മക്കള്‍: മനോജ്, മായ. മരുമക്കള്‍: മജോ,നിഷ.ശവസംസ്‌കാരം ശനിയാഴ്ച 10 ന് ചെത്തി സെന്റ് ജോസഫ് പള്ളി സെമിത്തേരിയില്‍.

നടരാജന്‍
മുഹമ്മ: മുഹമ്മ പഞ്ചായത്ത് 9-ാം വാര്‍ഡ് പുത്തന്‍ പറമ്പില്‍ നടരാജന്‍(59) അന്തരിച്ചു. ഭാര്യ: സുധര്‍മ്മ. മകന്‍ അജീഷ്

വാഹനാപകടത്തില്‍ പരുക്കേറ്റ റിട്ട.ഹെഡ്മാസ്റ്റര്‍ മരിച്ചു
ചേര്‍ത്തല: വാഹനാപകടത്തില്‍ പരുക്കേറ്റ് ചികിത്സയിലായിരുന്ന വയലാര്‍ പഞ്ചായത്ത് ആറാം വാര്‍ഡില്‍ ലീലാസദനത്തില്‍ പുരുഷോത്തമന്‍ നായര്‍(65) മരിച്ചു.
ഞായറാഴ്ച രാവിലെ പത്തരയോടെ വയലാര്‍ നാഗംകുളങ്ങര കവലയ്ക്കുസമീപമായിരുന്നു അപകടം. പുരുഷോത്തമന്‍ നായര്‍ സഞ്ചരിച്ചിരുന്ന സ്‌കൂട്ടറില്‍ മിനിലോറി ഇടിക്കുകയായിരുന്നുവെന്ന് ചേര്‍ത്തല പോലീസ് പറഞ്ഞു. എറണാകുളത്തെ സ്വകാര്യ ആശുപത്രിയില്‍ ചികിത്സയിലായിരുന്ന ഇദ്ദേഹം വെള്ളിയാഴ്ച പുലര്‍ച്ചെയാണ് മരിച്ചത്.
നെടുമ്പ്രക്കാട് യു.പി.എസ്. റിട്ട. ഹെഡ്മാസ്റ്ററാണ്. ഭാര്യ: ലീലാമണിയമ്മ (റിട്ട.അധ്യാപിക), മക്കള്‍:പ്രസീത, പ്രവീണ. മരുമക്കള്‍: പ്രശാന്ത്(എയര്‍ ഫോഴ്‌സ്, റിട്ട. ഉദ്യോഗസ്ഥന്‍),അരുണ്‍കുമാര്‍(പോലീസ്)

ദേവകി അന്തര്‍ജ്ജനം
ചെന്നിത്തല: ചെന്നിത്തല കിഴക്കേവഴി മായരനീലമന ഇല്ലത്ത് പരേതനായ എം.ഇ.നാരായണന്‍ നമ്പൂതിരിയുടെ ഭാര്യ ദേവകി അന്തര്‍ജ്ജനം(84)അന്തരിച്ചു. കൊട്ടാരക്കര തേവന്നൂര്‍ സര്‍വ്വാദിത്യ പെരിയമന കുടുംബാംഗം. മക്കള്‍: തന്ത്രി ഈശ്വരന്‍ നമ്പൂതിരി, വിഷ്ണു നമ്പൂതിരി, ദേവകി അന്തര്‍ജ്ജനം. ഗൗരി അന്തര്‍ജ്ജനം. സുധാദേവി. മരുമക്കള്‍:സരസ്വതി അന്തര്‍ജ്ജനം, അംബിക വി. നമ്പൂതിരി, ഡോ. കൃഷ്ണന്‍ നമ്പൂതിരി, എന്‍. മാധവന്‍ നമ്പൂതിരി, ഈശ്വരന്‍ നമ്പൂതിരി.

കെ.കെ. ഗംഗാധരന്‍
എടത്വ: പുതുവലില്‍ കെ.കെ. ഗംഗാധരന്‍(77) അന്തരിച്ചു. ഭാര്യ: ശാരദ. തലവടി ഇടയാത്ര കുടുംബാംഗം. മക്കള്‍: രമണി,രമേശന്‍,രതീശന്‍,മിനി, അമ്പിളി. മരുമക്കള്‍: മോഹനന്‍, സുമ, കെ.കെ.അശോകന്‍ (സി.പി.എം.കുട്ടനാട് ഏരിയ സെക്രട്ടറി), മനോജ്. ശവസംസ്‌കാരം ഞായറാഴ്ച 10ന് എടത്വ 12-ാം നമ്പര്‍ എസ്.എന്‍.ഡി.പി.ശാഖാ ശ്മശാനത്തില്‍.

അമ്മിണി
കായംകുളം: കായംകുളം പാലസ് വാര്‍ഡില്‍ കൈലാസ് ഭവനില്‍ അമ്മിണി(65) അന്തരിച്ചു. മക്കള്‍: അനി, ബിനു. മരുമക്കള്‍: മുരുകന്‍, കല സഞ്ചയനം തിങ്കളാഴ്ച രാവിലെ 9 ന്.

രാഘവന്‍
കായംകുളം: ഇലിപ്പക്കുളം പൈനം വിള കിഴക്കതില്‍ കെ. രാഘവന്‍(88) അന്തരിച്ചു. മക്കള്‍: രത്‌നമ്മ,രത്‌നാകരന്‍,പത്മാകരന്‍, രാജമ്മ, വിദ്യാധരന്‍, രമ, ശോഭ. മരുമക്കള്‍: പങ്കജാക്ഷന്‍, സുജാത, ഏലിയാമ്മ, കുട്ടന്‍, ഗിരിജ, സുരേന്ദ്രന്‍, പരേതനായ വിജയന്‍. സഞ്ചയനം വ്യാഴാഴ്ച രാവിലെ 9.00ന്.

ജോര്‍ജ്ജ് വര്‍ഗ്ഗീസ്
കായംകുളം: ജി.കെ.ഓട്ടോ സ്‌പെയേഴ്‌സ് ഉടമ കുന്നയ്യത്ത് ജീ വില്ലയില്‍ ജോര്‍ജ്ജ് വര്‍ഗ്ഗീസ്(തമ്പി 75) അന്തരിച്ചു. ഭാര്യ: ലൂയിക്കുട്ടി. മക്കള്‍: ജിജി. റെഞ്ചി. കെ.ജോര്‍ജ്ജ്(മിഷനറി, സി.എസ്.ഐ. ചര്‍ക്കാരി മിഷന്‍) മരുമക്കള്‍: റാണി, ടിജി. ശവസംസ്‌കാരം ഞായറാഴ്ച 3.30 ന് മങ്കുഴി സി.എസ്.ഐ. ക്രൈസ്റ്റ് ചര്‍ച്ച് സെമിത്തേരിയില്‍.

കെ. സരസന്‍
കോടുകുളഞ്ഞി കരോട്: ചിറയില്‍ കിഴക്കേതില്‍ കെ.സരസന്‍(54) അന്തരിച്ചു. (സി.പി.എം. കുതിരവട്ടം ബ്രാഞ്ച് കമ്മിറ്റി അംഗം)ഭാര്യ:കെ. ശാന്തമ്മ. മക്കള്‍: ഹേന, ഹരികൃഷ്ണന്‍.ശവസംസ്‌കാരം ശനിയാഴ്ച 3 ന് വീട്ടുവളപ്പില്‍.

തങ്കപ്പന്‍
പുറക്കാട്: കുളച്ചിറ തങ്കപ്പന്‍(72) അന്തരിച്ചു. ഭാര്യ: മണി. മക്കള്‍: ഓമനക്കുട്ടന്‍, സുനില്‍കുമാര്‍, തങ്കച്ചന്‍, വിനോദ്. മരുമക്കള്‍: പ്രഭ, ജിഷ,ഷീബ, ദീപ. സഞ്ചയനം ചൊവ്വാഴ്ച 9 ന്.

എം.കെ. രാമകൃഷ്ണപിള്ള
വെണ്‍മണി ഏറം: തുണ്ടി കിഴക്കേതില്‍ എ.കെ. രാമകൃഷ്ണപിള്ള (86) അന്തരിച്ചു. വാര്‍ഡ് കോണ്‍ഗ്രസ് പ്രസിഡന്റ്, 1151-ാം നമ്പര്‍ എന്‍.എസ്.എസ്. കരയോഗം പ്രസിഡന്റ് എന്നീ നിലകളില്‍ ഏറെക്കാലം പ്രവര്‍ത്തിച്ചിട്ടുണ്ട്.
ഭാര്യ: മീനാക്ഷിയമ്മ. മക്കള്‍: വിജയചന്ദ്രന്‍, ഗോപാലകൃഷ്ണപിള്ള, രാധാമണി, മോഹനന്‍നായര്‍, സുശീലാദേവി. മരുമക്കള്‍: ലീലാമണി,
ശ്യാമള, കമലഹാസന്‍, ലേഖ, സോമനാഥന്‍പിള്ള. ശവസംസ്‌കാരം ഞായറാഴ്ച 11ന് വീട്ടുവളപ്പില്‍. സഞ്ചയനം വ്യാഴാഴ്ച രാവിലെ 9ന്.

അശോകന്‍
ആല: കാരയ്ക്കാട് അച്യുതപ്പണിക്കരുടെയും ഭാര്‍ഗവിയമ്മയുടെയും മകന്‍ അശോകന്‍ (ബി.എസ്.എഫ്. എ.എസ്.ഐ., രാജസ്ഥാന്‍-44) അന്തരിച്ചു.
ഭാര്യ: ശ്രീലത. മകന്‍: അമിത്. ശവസംസ്‌കാരം ശനിയാഴ്ച 10ന് വീട്ടുവളപ്പില്‍.

കെ.വി. വര്‍ഗീസ്
കോടുകുളഞ്ഞി: കണിയാന്തറ കണ്ടത്തില്‍ രാജന്‍ വില്ലയില്‍ കെ.വി. വര്‍ഗീസ് (രാജു-66) അന്തരിച്ചു. ഭാര്യ: കുഞ്ഞുമോള്‍ (പുന്നക്കാട് പുത്തേത്ത് മടുക്കനില്‍ക്കുന്നതില്‍ കുടുംബാംഗം). മക്കള്‍: ഷേര്‍ളി, ഷീല, ഷിനോജ്. മരുമക്കള്‍: റെജി മംഗലം, ശിവദാസന്‍ (സുല്‍ത്താന്‍ ബത്തേരി). ശവസംസ്‌കാരം ഞായര്‍ 2ന് പെണ്ണുക്കര സെന്റ്‌തോമസ് മാര്‍ത്തോമാ പള്ളി സെമിത്തേരിയില്‍.

അയ്യപ്പന്‍ രാഘവന്‍
ഇടനാട്: മനനല്ലൂര്‍ പടീറ്റതില്‍ അയ്യപ്പന്‍ രാഘവന്‍ (85) അന്തരിച്ചു. ഭാര്യ: ഗൗരി. മക്കള്‍: പീതാംബരന്‍, ഹരി, ശശി, കമല, ശാരദ, പരേതരായ ഗോപി, ശാന്ത. മരുമക്കള്‍: പൊന്നമ്മ, രജനി, ഗീത, സ്മിത, വിജയന്‍. ശവസംസ്‌കാരം ശനിയാഴ്ച 10ന് വീട്ടുവളപ്പില്‍.

ബേബി
അരൂര്‍: അരൂര്‍ തോട്ടങ്കര അഗസ്റ്റിന്റെ ഭാര്യ ബേബി (72) അന്തരിച്ചു. മക്കള്‍: ജോണ്‍സണ്‍ (സൂപ്പര്‍ പാക്കേജ്, അരൂര്‍), ജോസഫ് (എ.എസ്.ഐ, രാമങ്കരി പോലീസ്‌സ്റ്റേഷന്‍), ജെയിംസ് ജെസ്റ്റസ് (ഹൈസ്റ്റോക്ക്, പെരുമ്പടപ്പ്). മരുമക്കള്‍: റാണി, ഷീബ, ഫ്രെബി.

അജയകുമാര്‍
വള്ളികുന്നം: കടുവുങ്കല്‍ കണ്ണന്‍ ചാരേത്ത് വീട്ടില്‍ പരേതനായ ഗോപിനാഥന്‍ പിള്ളയുടെ മകന്‍ അജയകുമാര്‍ (34) അന്തരിച്ചു. ഭാര്യ: ശ്രീദേവി. മക്കള്‍: ആദിത്യന്‍, അഗ്രജ്. സഞ്ചയനം വ്യാഴാഴ്ച 8ന്.